أنا بعجبني..لطيفة تطرح أحدث أغاني ألبومها الجديد «شبهي بالمللي» (فيديو)

طرحت النجمة التونسية لطيفة أغنية «أنا بعجبني»، أحدث أعمال ألبومها الجديد شبهي بالمللي، عبر موقع يوتيوب وجميع منصات الموسيقى ومواقع التواصل الاجتماعي.

والأغنية من كلمات يوسف تريكة، وألحان أردني، وتوزيع موسيقى محمد فيفا. 

وتقول كلمات الأغنية: 

المزاج لازم يتدلع
والبال محتاج يرتاح
هتبسط والضحكة تلعلع
واللى جاي كله أفراح
محتاجين حبة حنية
مع محبة ومع طبطبة
كلمة حلوة تمشي الدنيا
وأنا مع نفسي بعمل كده
وانا بعجبني... اوي اوي اوي
وأنا ببسطني... اوي اوي اوي
أنا طول عمري معودة قلبي
ماحبش قبلي ولا بعدي
انا بعشقني... اوي اوي اوي
وانا بوحشني... اوي اوي اوي
أنا قلبي حاببني بجد
أنا مقدرش أبعد ثانية عني

لو زعلانة بصالح نفسي
مش بحتاج كلمة معلشي
كان على عيني وعلى رمشي
بس أنا مكتفية بذاتي
مش بعاتب ولا بزعل
بفكس للى عليا يتقل
ولا يفرقلي ولا هسأل
أخركم برة حياتي
وانا بعجبني... اوي اوي اوي
وانا ببسطني... اوي اوي اوي
أنا طول عمري معودة قلبي
ماحبش قبلي ولا بعدي
انا بعشقني اوي اوي اوي
وانا بوحشني... اوي اوي اوي
انا قلبي حاببني بجد
انا مقدرش أبعد ثانية عني