الطفلة كوكي تطلب المساعدة: عايزة حقي في التعليم .. بابا مش راضي أروح المدرسة

 خلال الساعات الماضية انتشر فيديو على السوشيال ميديا لـ طفلة، تطلب المساعدة من أي شخص مسؤول، لـ حرمان والدها لها هي وأخيها من المدرسة.

واستغاثت الفتاة وقالت: بقالنا سنة قاعدين في البيت، ضاع علينا سنة أنا المفروض ابقا في سنة تالتة كده هبقا في سنة تانية، عايزة أروح أنا و اخويا المدسة".

وتابعت: بابا مش عايز يدفع المصاريف وماما مبيتشتغلش فاضل شهر وندفع الفلوس، و بابا شغال مهندس بترول و أنا عايزه أروح المدرسة مش عايزة اقعد في البيت.

وواصلت: أنا مرضتش أعمل الفيديو ده السنة اللي فاتت قولت هتتحل بس مفيش، واحنا كنا في مدرسة خاصة سحب الورق وودانا مدرسة حكومي و عياله التانين في مدرسة انترنشونال أنا عايزه أبقى في مدرسة خاصة عادي، أنا عايزة صوتي يوصل لكل مسؤول أنا عايزة حقي في الدراسة، كفاية أنا و أخويا ضاع علينا سنة مش عايزة يضيع علينا سنة كمان.