عمرو أديب يُهاجم قناة الجزيرة: سابوا الحلقة كلها ومسكوا في البيض والبسطرمة وأنا اتعودت منهم على كده

تعرض الإعلامي عمرو أديب، للانتقادات منذ عرض حلقة برنامجه «الحكاية»، مساء الإثنين، بسبب تصريحاته عن غلاء الأسعار والاستغناء عن السلع الاستفزازية مثل البيض الأورجانيك واستبداله بالبيض العادي مع إضافة البسطرمة.

وعلق أديب على حملة الانتقادات الموجهة له عبر حسابه على «تويتر»، قائلا: «فى نفس الحلقه ونفس الموضوع اتكلمت عن ازاي الناس تشتري الأرخص وتختار المحلات اللي بتبيع الأساسيات الثابته من غير زياده واتكلمت عن دور الدولة في ضرب الاحتكارات وما كان موضوع البيض الأورجانيك إلا انتقاد للناس اللي محبكاها قوي وتشتكى من أشياء تافهة. ثواني والجزيرة مصر سابت ساعة كلام واشتغلت عالبيض والبسطرمة».

وتابع: «اجتزاء وترصد كالعادة اتعودت عليه، المهم الفيديوهات موجودة وياريت الناس تبطل ثقافة الهاشتاج وفي النهاية الرسالة واحدة الأيام الأيام اللي جاية صعبة».

وأضاف: «اتكلمت عن الزيت بكام وعلبة اللبن حالها إيه والجبنة المثلثات نعمل معاها إيه والسمنة نتصرف معاها إزاي إنما ثقافة التفاهة والترصد المستمر وطبعا أنا خبير وقديم ومش مصدق إنى بكتب بحكى والفيديوهات موجودة لكن هذا عملى وهذا وطنى وهذا قدري».