سيدة تستغيث من زوجها في باب الشعربية: بيشرب مخدرات وعايز يجوزني لواحد سعودي

روجت سيدة عبر صفحتها الشخصية على موقع تواصل اجتماعي “فيسبوك”، منشور استغاثة لـ الصفحة الرسمية لوزارة الداخلية، تتهم فيه زوج شقيقتها بالتعدي بالضرب المبرح عليها،  في شارع درب الخف باب البحر، في منطقة باب الشعرية.
 

زوج يعتدي بالضرب على زوجته لإرغامها على الزواج من شخص سعودي

وجاء المنشور كالأتب: "بيخدني من عند أمي غصب عني، وعايزة ابعد عنه عشان عايز يمشيني مشي شمال، مع أن عندي منه فهد عنده شهرين مش بيصرف عليه جنيه وطردني من الشقه أنا وابني وموتني ولما لمامته طلع ضربني وخيطت كتفي 19 غرزة، كل دا عشان عايز يجوزني لشخص سعودي شهرين عرفي ويقولي نجيب بدل الشقه شقتين 

 

وتابعت في منشورها طلع تاجر مخدرات، ومكنتش اعرف وهو بيتقدملي قالي فاتح قهوة وفعلا قفلها بعد أسبوع من جوازنا وطلع بيبع بودر ة وحشيش ودولاب المخدرات في درب الخف وكان بيخليني اطلع لايفات ولما حد يبعتلي ورد يقولي قولي شكرا وعلمني الايفات، وبيرشد على أصحابه كان مطلق وانا اللي بربي عيالوه الاتنين بقالي سنه ونص 
 

خلافات زوجية ومحاضر ضد زوج يشهر بزوجته في باب الشعرية

وأضافت انا عايزه حقي كل يومين بيجي عند أمي يضربني ومش عارفه اعمل اي وخد عفشي باعو قبل ما أولد وبعد مابعه بيقولي تجيبي تاني وعملتله محضر في الخصوص وفي باب الشعريه وناس شاهده كتير أوي أني اخر مره رمالي هدومي، اتجوزته وانا 17 سنه هتم الـ 19 بعد كام يوم ومش فاهمة اي بيحصلي كان بيشربني مخدرات وقال اني بتعاطى انا عمله ليه محاضر تعدي كتير وكنت بروح بـ دمي القسم عشان يشوفوا ورابع يوم ولاده ليا كان مموتني ضرب ومبوظلي عيني عشان كونت بحسبه اتحبس ونزلت أرن عليه من تحت البيت مكنش معايا تلفون، لكن عرفت أنه هربان في الخصوص عشان حكومة باب الشعرية بتدور عليه.