حلا شيحا تتبنى مبادرة للتبرع لعمال النظافة بـ200 جنيه: مش لازم نخرج ونأكل برة البيت

تبنت الفنانة حلا شيحا مبادرة إحدي صديقاتها للتبرع بمبلغ 200 جنيه لعمال النظافة والبنزين لإدخال السعادة على قلوبهم قبل حلول شهر رمضان المبارك

وأعادت حلا شيحة نشر مقترح صديقتها عبر خاصية «ستوري» بتطبيق «إنستجرام»، والذي كان نصه: 200 جنيه غالبا بتبقي أقل حاجة بنصرفها لو خارجين مع صحابنا، وبتبقى خروجة مش متكلفة كمان، 200 جنيه لو إديتهم لعامل في الشارع أو بقشيش لبتاع الديليفري أو البنزينة أو عامل نظافة أو جنايني ممكن يفضل مش مصدق نفسه ويفضل فرحان بقية الشهر

وأضافت صديقة حلا شيحا في مبادرتها: هو متوقع أقصى حاجة 10 أو 20 جنيه بس 200 جنيه ده رقم محترم بالنسباله، وحقيقي مش هتفرق معانا لو مخرجناش المرة دي وأكلنا في البيت