مي حلمي ترد على رضا عبد العال: زعلان ليه يا كابتن إحنا بنصور حاجة مش عاوزة هبد.. وهجيب الناس اللي شالتني

ردت مقدمة البرامج مي حلمي على تصريحات المحلل الرياضي رضا عبد العال، في واقعة طلبه 100 ألف جنيه ليحل ضيفا في برنامجها الجديد.

وكتبت مي حلمي عبر حسابها بتطبيق «إنستجرام»: «كابتن رضا عبد العال زعلان يا جماعة عشان جاوبت على سؤال بصراحة، لما قالوا لي هاتي كابتن رضا في البرنامج الجديد، قولت لهم لما طلبته قبل كدة قال عاوز 100 ألف، لكن البرنامج الجديد لسه هندفع طيران ومن مصر على الإمارات وقصة، وبنصور حاجة مش عاوزة هبد، حاجة من أرقى ما اتعمل في البرامج الكرة، فهجيب الناس اللي شالتني في الحكم».

وتابعت: «طيب أنت زعلان ليه يا كابتن من الصراحة، ما أنت بتقول رأيك براحتك وبتنتقد عاطل مع باطل صح ولا غلط، وطلعت عين أم النني لحد ما الشنواني قال لك حسبي الله ونعم الوكيل، زعلان إني بحكي موقف حقيقي من غير هبد».