هاني عادل عن الأفلام المصري : فين السينما بتاعة الناس الحقيقية

انتقد الفنان هاني عادل الأفلام التي تٌعرض في دور العرض المصرية، مؤكدا أنها اختلفت تماما عن السنوات الماضية. 

وكتب هاني عادل عبر حسابه بموقع التواصل الاجتماعي “فيسبوك”: مفيش أفلام مصري موجوده إلا كوميدي وأكشن و أكشن كوميدي أو رومانسي ملزق او كوميدي رومانسي ، فين السينما يا جماعة،   اه والله فين السينما بتاعه الناس الحقيقيه ديه، واللي بتعبر عنهم راحت فين حد يدور معانا طيب. 

وأضاف:  فين السينما اللي بتشغل الخيال والعقل كده وتبقي خارج من الفيلم مش عايز تكلم حد علشان تفضل في الحاله اللي حطك فيها، السينما بتتعمل للناس يا جماعه مش علشان متاخدش فرصه إلا في المهرجانات وبعض السينمات اللي بتحاول تساعد، وطبعا طبعا فيه تجارب مستثناه ، بس النسبة صغيرة أوي أوي أوي يا جماعة. 

أخر أعمال هاني عادل

جدير بالذكر أن أخر أعمال هاني عادل هو مسلسل توابع بطولة ريهام حجاج، والذي سبق عرضه بالموسم الرمضاني الماضي 2026.

وتدور أحداث مسلسل توابع في إطار درامي نفسي تشويقي حول شخصية إنفلونسر متخصصة في علم النفس تتورط في جريمة قتل، وتسعى طوال الأحداث من أجل إثبات براءتها، ويسلط المسلسل الضوء على العلاقات الإنسانية وتأثير السوشيال ميديا على الأفراد.

ويضم فريق عمل مسلسل توابع مجموعة من النجوم منهم ريهام حجاج، وأسماء أبو اليزيد، وأنوشكا، وسوسن بدر، ومحمد علاء، وهاني عادل، والمسلسل من تأليف محمد ناير، وإخراج يحيي إسماعيل.