لينا صوفيا تنجو من حادث مروع (فيديو)

كشفت الفنانة الشابة لينا صوفيا تفاصيل نجاتها من حادث مروع كان سيؤدي إلى نتائج وخيمة، ولكنها نجت منها. 

وقالت لينا صوفيا من خلال فيديو نشرته عبر حسابها بموقع التواصل الاجتماعي “انستجرام”: أنا عملت حادث إمبارح كانت ممكن تبقى وحشة أوي، بس الحمد لله ربنا كان فيه موتوسكيل خبطني عليه ناس كتير جدا من ضمنهم ناس كبار في السن وأطفال، وأنا عارفة إن هما مش عارفين خطورة ده، ويا رب يكونوا اتعلموا من ده، ولو كان واحد فيهم حصل له حاجة حتى لو بالغلط مكنتش هسامح نفسي. 

وأضافت: شكلها كان مرعوب وكنت مرعوبة شوية بس مامتي كانت معايا، والحادث  حصلت جنب الكومباوند بتاعي ،وناس كتير اعرفها كانت واقفة معايا لمدة تلات ساعات، وهدف الفيديو إن اشكر الناس دي اللي وقفت معايا علشان تتأكد إني كويسة وكل حاجة تمام، ومدير الكومباوند اللي وقف معايا وقف أخ لحد ما روحت للشرطة ورجعت.

واختتتمت: ولما روحت القسم كانت كل الناس كويسة معايا ووقفت جنبي وطمنتي، شكرا لكل الناس اللي وقفت جنبي اللي لولاهم كان هيبقى الموضوع أوحش من كده.

وننسى اللي كان 
 

وشاركت لينا صوفيا في مسلسل وننسى اللي كان بطولة ياسمين عبدالعزيز وكريم فهمي، والذي سبق عرضه بالموسم الرمضاني الماضي 2026.

وتدور  أحداث مسلسل وننسى اللي كان  في إطار رومانسي حول حرب دائرة بين نجمتين ، وهما ياسمين عبدالعزيز وشيرين رضا ، فيحاول أحد المنتجين جمعهم في عمل فني واحد، حيث تبدأ الثانية في ترويج الشائعات والأخبار الكاذبة ضد الأولى، فتحاول الأولى الدفاع عن نفسها ، وتتعرض إلى عدة مؤامرت تدفعها إلى الإعتزال، لكنها ترفض الإستسلام، وتقرر المواجهة من خلال مساعدة مجموعة من أصدقاء، والحارس الشخصي الخاص بها في مواجهد أعدائها.

ويضم فريق عمل مسلسل وننسى اللي كان  مجموعة من النجوم منهم كريم فهمي، وياسمين عبدالعزيز، وشيرين رضا، ومنة فضالي، وليلى عز العرب، وبسنت شوقي، ومحمد لطفي، وخالد سرحان، وإدوارد، وإيهاب فهمي، ومحمود حافظ، وإلهام وجدي، ومحمود ياسين جونيور، ولينا صوفيا، وإنجي كيوان، ومحمود عزب، والعمل من تأليف عمرو محمود ياسين، وإنتاج حسن عسيري، وإخراج محمد حمدي الخبيري.