حسين فهمي: لغيت تكريم عادل إمام في القاهرة السينمائي لما اعتذر عن الحضور

كشف الفنان الكبير حسين فهمي كواليس إلغاء تكريم الزعيم النجم عادل إمام في إحدى الدورات السابقة لمهرجان القاهرة السينمائي الدولي، مما أدى إلى تدهور العلاقة بينهما. 

وقال حسين فهمي خلال لقائه مع قناة العربية: كنت هكرم عادل إمام في مهرجان القاهرة السينمائي ، ولما اعتذر وقالي أنه مسافر لغيت التكريم، وبعد  كده اتصالحنا وعملنا فيلم مع بعض بعد كده، والناس وقفت ربع ساعة تسقف في تكريم فؤاد المهندس، وحلاوة التكريم إن الشخص يتكرم في وجوده، مش يبعت حد مكانه يستلم الجايزة.

وفي سياق متصل، كشف حسين فهمي خلال لقائه مع العربية: واليس عرض تلقاه من الرئيس الراحل حسني مبارك لتولي منصب وزير الثقافة، حينما كانت يقوم بتصوير أحد أعماله، وقال: كنت بصور، وجالي تليفون من الرئاسة، والرئيس حسني مبارك كلمني لمدة نصف ساعة، وقالي أنا بسمع آرائك وعايزك معايا وزيرة الثقافة، قولت له أنا مسألة الوزارة مش مستعد لها، أنا فنان وبقول رأيي بحرية وعايز أكون منطلق مش مقيد.

وأضاف: ولما خلصت المكالمة معاه لقيت فاروق حسني بيتصل بيا وبيسألني كنت بتتكلموا في إيه، وأول ما قفلت علشان أروح أكلم تصوير لقيت إتصالات من زكريا عزمي وصفوت الشريف كانوا برضوا بيسألوني عن المكالمة كانت عن إيه.