عمر كمال يدافع عن كوكسال بابا: بيخاف من الزحمة ومبيحبش التصوير ومبيفهمش عربي خالص والناس ظلمته

دافع المطرب عمر كمال عن البلوجر التركي الشهير كوكسال بابا، بعد الانتقادات التي وجهت لزيارة لمصر، خلال رسالة نشرها عبر حسابه بموقع التواصل الاجتماعي «فيسبوك».

ونشر عمر كمال صورة تجمعه بكوكسال بابا، معلقا عليها: «الناس ظالمة الراجل العسل ده.. ده راجل ربنا اصطفاه إنه يعيش عنده مرض نادر واللى زيه بيموتوا عند سن معين بس هو ربنا اختاره يعيش.. ومر بظروف سيئة من فقر وموت أب و أم».

وتابع: «كمان عقله وقف نموه وفهمه عن سن معين .. فالراجل بعقل طفل.. صورت معاه ٧ أيام فى تركيا ولاحظت أنه بيخاف جدا من الزحمة.. ومبيحبش إطلاقا التصوير ولا الكاميرا إلا لو واخد عليك ويعرفك ومش بيفهم لا عربى ولا إنجليزى ولا أي لغة غير تركي بس وده بيخليه متنرفز عشان مش فاهم اللى قدامه بيقوله إيه».

وأوضح: «كمان عشان هو في تفكير الطفل الصغير.. متضمنش رد فعله لأنه مش واعى وطبيعى للى بيعمله.. هو مشهور بالنرفزة وطريقة كلامه والمشية بتاعته ورد فعله العصبى.. فمحدش ياخد على رد فعله ويحاسبه عليه.. كأنك بتتعامل مع طفل صغير أكيد مش هتزعل منه».