عمرو الليثي ببرنامج إنسان تاني : اللي ربنا رزقه ببنت بيكون حصل علي أجمل هدية

أكّد الإعلامى الدكتور عمرو الليثى، خلال حلقة جديدة من برنامجه «إنسان تاني»، ان اللي ربنا رزقه ببنت بيكون ربنا أكرمه بأجمل هدية ، وحصل علي  الحنية والدلع والحضن الدافي واللي بيشيل عنه تعب السنين.

وقال الليثى ان البنت عندما تحن علي أهلها فتشعرهم انهم أغلي الناس والكلمة منها تداوي والضحكة تنسي الهموم والتعب ، والبنت الحنينة مش فرد فقط في البيت وإنما روح بتسكن في حضن العائلة كلها ، وهي دعوة مستجابة ما بين السطور وونس للعمر كله.

وأضاف الليثي ان اللي عنده بنت لازم يسجد لله شكر كل يوم لانه فعلا أخد نص الجنة في حضنه ، وطاقة حب وحنان تكفيه العمر كله ، واللي ربنا أكرمه ورزقه ببنت فاهم كويس أنا بقول ايه.

وتأتى هذه الحلقة ضمن سلسلة الحلقات الإنسانية التى يقدمها برنامج «إنسان تاني»، حيث يحرص عمرو الليثى من خلالها على تقديم رسائل اجتماعية وإنسانية تعزز قيم الوفاء والامتنان للأسرة، وتسلط الضوء على دور الأم باعتبارها الركيزة الأساسية فى بناء القيم داخل المجتمع.