«فاكر نفسه عبقري زمانه».. رد ناري من أحمد دويدار على تصريحات مؤمن سليمان

رد أحمد دويدار، مدافع الفريق الأول لكرة القدم بنادي الزمالك السابق، على تصريحات مؤمن سليمان، المدير الفني السابق للقلعة البيضاء، بشأن عدم فوز الفريق الأبيض ببطولة دوري أبطال إفريقيا 2016 أمام نادي صن دوانز الجنوب إفريقي.

وكتب أحمد دويدار، عبر صفحته الشخصية على موقع التواصل الاجتماعي «فيس بوك»: «لقيت فيديو مومن سليمان، بيقول هكسب دوري أبطال إفريقيا إزاي ومعايا مايوكا ورمزي خالد ودويدار ومصطفي فتحي، ده تقليل مننا من مدرب معندوش خبرة وفاكر نفسه عبقري زمانه».

وأضاف: «على فكرة ماتش العودة أمام صن دوانز، أنا لعبت من أفضل الماتشات في حياتي وكنت نفسي ناخد البطولة بس للأسف طريقتك الهجومية في ماتش الذهاب في صن داونز هي سبب خسارة البطولة، وقولت في المحاضره هنجيب هدفين في أول ربع ساعة حصل العكس دخل فينا ٣ يا مؤمن».

وواصل: «يا مؤمن أنت عدو نفسك، فشلت في سموحة وبعد كدة في المقاصة، أنت مش مدير فني أنت مدرب عام كتير عليك كمان وشخصيتك ضعيفة مع اللاعبين ومبتعرفش تسيطر على أوضة اللبس، وبلاش أقول أنت اتشتمت من مين وأنا اللي خليته يبوس فوق دماغك ويعتذرلك قدام الناس».

وأكمل: «مفيش فريق دربته غير لما لاعب يتخانق معاك، أنت هتشوف نفسك علشان الأول في الدوري العراقي هو أنا اللي كنت بقول للاعبين، أنا أحسن من كوبر وحسام حسن وميدو وعبقري زماني، يا راجل أنت بتلف على كل لاعب تاخد رايه في التدريب وتشكيل الماتش».

وأردف: «أنت مهزوز جدًا أنت كل متطلع تقول ١٤ لاعب إيه علاقة ده بطريقة اللعب والفتي، ليه العند وتبرير الفشل متقول أنك غلطت وخلاص هفضل اقول أنت سبب رئيسي في خسارة دوري أبطال إفريقيا ماتش صن داونز وكانت بطولة سهلة وربنا يهديك على نفسك يا روتيشن.. مكنتش حابب اتكلم عنك بس لازم ـرد عليك هتجيب سيرتي تاني اللي جاي هيزعلك».