ريهام سعيد: حاسة إني هموت قريب ومش مسامحه اي حد ظلمني

أطلقت الإعلامية ريهام سعيد، عدداً من الرسائل النارية، وأعربت عن إحساسها بالظلم والاكتئاب.

وكتبت الإعلامية ريهام سعيد، منشوراً علي صفحتها الشخصية على «فيس بوك»:" أقسم بالله كل حرف هاكتبه صادق و من قلبي .. انا حسه ان انا هموت قريب عشان كده هابعد عن السوشال ميديا عشان اقعد مع اولادي اكتر وقت ممكن خصوصا ابني الصغير. يمكن سحر يمكن اكتتاب ويمكن حقيقي".

وتابعت الإعلامية ريهام سعيد:" غالبا احساس الظلم كان بيقتلني بالبطيء في يوم من الايام الدنيا قامت عليه علشان تعلب اما المعراج و انكارها عادي . تامر امين يغلط في الصعايدة قاصد او مش قاصد يتوقف ٣ شهور لكن انا اعمل اكبر حمله للسمنة و أعالج الاف من السمنة و عمليات ببلاش و يفتروا عليه و يقولوا اني قلت ان ريحتهم و حشه و اتوقف سنه . فتاه المول و لا تحرش و لا نيله و اجيب فيديو و هي معاه محدش يشوفوا و اتحاكم و ادفع الي ورايا و الي ادامي لسما المصري عشان تتنازل لان هي الي زقاها عليه . و غيره و غيره و غيره".

وقال :" كفايه اننا عالجنا اعداد مهوله من الشباب من المخدرات ورحت اماكن خطر جدا عشان اوعي الناس بدل ما اتكرم الاقي نفسي نايمه في اوضه متر في متر مع تاجره مخدرات".

وأضافت :" البرنامج يتوقف اطفال تموت و مدرسه ذوي الاحتياجات الخاصه الي فاتحنها تتقفل و تطلع ريهام افاقه و كدابه ..لو فضلت احكي هاحكي كتير بس انا موجوعه و مش قادره احكي انتوا ظالمين بتمشوا بكلمه من غير. ماتشوفوا و لا تفهموا ".

وقالت :" عندي كلام كتير اقوله علي كميه مواقف فيها ظلم رهيب . لو مت انا مش مسامحه.. مش مسامحه اي خد قال عليه كلمه واحده مش حقيقيه او علي السمع.. مش مسامحه اي صحفي كتب عني كلمه ظلم مش مسامحه اي واحد كتب كومنت موت بيها اطفال القلب.. كفايه ان اي حاجه الاعلام بيتكلم فيها دلوقتي انا متكلمه فيها من عشر سنين".