أول تعليق من مسلم على اتهامات طليقته بعدم الإنفاق على ابنه

علق مطرب المهرجانات الشعبية مسلم على تصريحات طليقته ضحى بشأن عدم الانفاق على ابنه، مؤكدا أن هذا الكلام عاري تماما من الصحة. 

وكتب مسلم عبر حسابه الرسمي بموقع التواصل الاجتماعي “انستجرام”: دي أقل ورقة عندي في البيت 180 الف جنيه كل 5 شهور وفي كتير من ده وبشهود بس هقول ايه حسبي الله ونعم الوكيل ومش هتكلم تاني في الحوار ده أنا بس نزلت إثبات صغير.

تصريحات طليقة مسلم

وفي وقت سابق، كشفت طليقة مسلم تفاصيل الخلاف بينهما، موضحة أنه لا ينفق على ابنه بالرغم من كل المحاولات الودية للتفاهم معه دون اللجوء إلى القضاء. 

وقالت ضحى طليقة مسلم من خلال فيديو بث مباشر عبر صفحتها الرسمية بموقع التواصل الاجتماعي “فيسبوك”: 
ابنه بالنسباله ميت وكنت بتحايل عليه يشوفه،  مبيصرفش عليه جنيه وبيعمل بلوكات لأهلي، وقالي ابقى قابليني لو خدتي مني حاجة ومش همه حد،  أنا مش مسامحة.

وأضافت: قعدت سنتين وأنا بحاول إن ابني ياخد حقه من النفقة، وكل حاجة معايا فيها إثباتات. كنت دايمًا بحاول يقابل ابنه لكن ماكنش في فايدة. رفعت قضية، ووالدي هو اللي بيصرف عليا عشان النفقة بتتأخر دايمًا. الفلوس مش بتجيني في وقتها، وكلما أروح أنفذ حكم المحكمة، يا إما يتهرب أو يغير مكانه. وكل 5 شهور بيجيلنا شوية فلوس، وأدفع عيني عشان أقدر آخدهم.

واستكملت: أنا عزلت 3 مرات عشان مش عارفة أعيش في مكان كويس، مش قادرة حتى أدخل ابني المدرسة أو أجيب له حاجات، وعليّا ديون كبيرة، ليه بتتهرب من ابنك يعني لازم أبوس إيدك عشان تصرف عليه؟"

واختتمت: في حد بيساعده عشان ميصرفش على ابنه الفلوس وقفت بسببك، أنا ست زيك عندي طفل، إنتي طول عمرك تدخلين في حياتي وتستفزيني وتخلي الدنيا تقوم. بس لما الموضوع بيوصل لرزق ابني، إنتي بتوقفين الدنيا؟ حسبي الله ونعم الوكيل، مش هسامحك."