رضا عبد العال: كنت عايز 5 مليون جنيه في مقلب رامز جلال.. وأي إعلامي لازم يطبل للأهلي

حل رضا عبد العال المحلل الرياضي ولاعب الزمالك والأهلي الأسبق ضيفا على الإعلامية أسما إبراهيم في برنامج "حبر سري" على قناة القاهرة والناس.

وكعادة رضا عبد العال حرص على الإدلاء بتصريحات تتسم بالجرأة وإثارة الجدل، لذا نرصد أبرز تصريحات رضا عبد العال في في النقاط التالية:

- اللي بيشتغل في الإعلام لو مش هيميل للأهلي مش هيشتغل.

- أي إعلامي عشان يكمل في الإعلام لازم يطبل كثير للأهلي.

- مدحت شلبي أهلاوي لكنه ينكر باستمرار.

- أنا بحب محمود الخطيب جدا وطول عمري أقول إني مقتنع بثلاثة أشخاص مارادونا وميسي والخطيب.

- لو اعرف أن رامز جلال بيعمل فيا مقلب والله ما كنت سافرت.

- تفاجأت بالمقلب وقلت أرفض العرض، وقعدنا ساعة ونص لحد ما اقتنعت ومخدتش الفلوس اللى في دماغ الناس.

-أنا أصلا كنت متعاقد مع mbc، لكن حصلت على مكافاة رمزية بعد حلقة البرنامج.

- لو كنت أعرف أن ده برنامج رامز جلال من الأساس، والله ما أخد أقل من 5 مليون جنيه.

- أنا لعبت مع الأهلي ببلاش لمدة عامين.

- انتقلت من الزمالك إلى الأهلي بسبب العناد، واضطررت إلى دفع مستحقاتي لمدة عامين في الاهلي إلى الزمالك كتعويض.

- لما لعبت في الأهلي كنت مبسوط في الأول، لكن حصلت معايا حاجات مكنتش متوقعها وكان في تضييق عليا في اللعب.