سيد عبدالحفيظ يهاجم التحكيم بضراوة ويطالب بتحقيق مع ابو الوفا

وجّه سيد عبد الحفيظ، عضو مجلس إدارة الأهلي، انتقادات حادة لطاقم التحكيم عقب المباراة الأخيرة ضد سيراميكا، مؤكدًا أن ما حدث أثّر بشكل مباشر على نتيجة اللقاء، ومطالبًا بفتح تحقيق رسمي.

تصريحات عبدالحفيظ 

وقال عبدالحفيظ، خلال ظهوره في برنامج "الكورة مع فايق" على قناة MBC مصر 2:
“في الأمتار الأخيرة، التحليلات والأرقام ممكن تبقى مهمة في الاستوديوهات، لكن في التاريخ والبطولات محدش بيفتكر غير النتيجة. ممكن نبقى أوحش فريق في العالم، بس عندي ضربة جزاء أو حق لازم يتاخد.”

وأضاف منتقدًا قرار الحكم محمود وفا: “اللي حصل النهارده حاجة ما أعتقدش إن فيه حكم في العالم، مهما كان، هيقول إن اللقطة دي مش ضربة جزاء.”

وتساءل عن معايير اختيار الحكام:“ماعرفش هو كان بيذاكر إيه في القانون؟ وهل هو مقرر علينا؟ هو حكم مباراة الأهلي وسيراميكا في الدور الأول، والنهارده كمان. الاختيارات نفسها فيها شبهة.. إيه المعايير اللي على أساسها يتم تعيينه لمباراة حساسة؟”

سيد يطالب بتفريغ حوار الفار

كما طالب بالكشف عن تفاصيل حوار تقنية الفيديو بين حكم الساحة وحكم الـVAR محمود عاشور، قائلًا:
“من حقي أعرف إيه اللي اتقال بينهم، لازم نسمع التسجيل. الحالة واضحة: مسافة قريبة وإيد مفرودة، مفيهاش أي شك.”

وأشار إلى واقعة مثيرة خلال اللقاء:“لازم يتعمل تحقيق في اتحاد الكرة، إزاي حكم يزق لاعب بإيده؟ دي حاجة ما تتقبلش، وكمان في كلام اتقال في الملعب ما ينفعش يتقال.”
 

واختتم تصريحاته بتصعيد واضح:“من بكرة لازم تبقى في وقفة كبيرة، وهنطلب حقنا في كل التجاوزات، ولازم نسمع تسجيل غرفة الفار. لما تجيب حكم لمباراة حاسمة، لازم يكون قد المسؤولية، لكن اللي حصل إن الحكم كان بيدور على 

زاوية تثبت قراره مش الحقيقة.”وتفتح هذه التصريحات الباب أمام أزمة جديدة في ملف التحكيم داخل الكرة المصرية، خاصة مع تزايد الجدل حول القرارات المؤثرة في المباريات الحاسمة.