بصراحة ينفرد بنشر اعترافات ريان المتهم بقتل والدته وأشقائه في جريمة كرموز

ينفرد موقع "بصراحة" بنشر نص اعترافات ريان المتهم بقتل والدته وأشقائه الـ5، في القضية التي هزت الرأي العام والمعروفة إعلاميًا بـ"جريمة كرموز"، حيث كشفت التحقيقات تفاصيل صادمة حول ملابسات الواقعة ودوافع ارتكاب الجريمة.

وجاء نص الاعترافات كالتالي:

 م: حدثنا عن نشأتك منذ صغرك ؟ أين نشأت وبأي بيئة عشت ؟
ج انا اتولدت في السعودية في جدة واتربيت هناك.

س كم عدد أفراد أسرتك ؟
ج والدي ووالدتي وأنا وخمسة أخواتي .

س: وكم عدد أشقائك وما ترتيبك بينهم ؟

ج انا عندي 5 اخوات وأنا الكبير فيهم وهما بالترتيب يوسف ١٦ سنة وبعدين يحي ١٤ سنة وبعدين رهف ١١ سنة وبعدين ملك ١٠ سنين وبعدين ياسين ٨ سنين.

س: وكيف كانت طبيعة أسرتك من حيث الاستقرار الاجتماعي والنفسي والمادي الذي عاصرته خلال فترة طفولتك ؟

ج: احنا طول عمرنا بابا مش بيصرف علينا كويس وبيعاملنا وحش وبيضربنا عشان أبسط الأسباب وعلى طول فيه مشاكل بين بابا وماما حتى كان بيضربها ساعات لما يتخانقوا وأنا واخواتي مش أحسن حاجة مع بعض دايما بتحصل بيننا مشاكل بس الحاجات العادية اللي هو مثلا بنتخانق على موبايل ماما عشان مكنش حد فينا معاه موبايل وكنا بنتخانق لو حد فينا حوش فلوس والثاني أخدها صرفها مثلا المشاكل اللي بتحصل بين الأخوات.

س: صف لنا طبيعة علاقتك بوالديك وأشقائك آنذاك وهل غلب عليها الود والتماسك أم التوتر والقسوة؟

ج: كان على طول فيه مشاكل في البيت بسبب أن بابا كان دايما عصبي وبيعاملنا كلنا وحش وبيضربنا احنا وماما .