إنجي علاء تُثير الجدل : مش مسامحة اللي سرقوا وقتي وتعبي وشغلي

آثارت السيناريست إنجي علاء جدلا واسعا من خلال مشاركتها لمنشور كتبه السناريست محمد رجاء  عبر حسابه الرسمي بموقع التواصل الاجتماعي “فيسبوك”: 

وكتبت إنجي علاء تعليقا على هذا المنشور عبر حسابها الرسمي بموقع التواصل الاجتماعي “فيسبوك”، والذي جاء كالتالي: وأنا كمان مش مسامحة،  خصوصا اللي سرقوا وقتي وتعبي وشغلي سنين وزيفوا الحقايق،  وخلوني اصدق حكايات واكتب فيها كمان، وهي كلها تأليف ووعدوا وعود ماوفوش بيها وسابوني في نص الطريق.

وأضافت: وعلى فكرة أنا ممكن اسامح الا الأذى اللي ضر ببنتي معايا بصورة مباشرة أو غير مباشرة ، بس الحمد لله أنا خسرت وهم وهم خسروا الحقيقة ، والحمد لله اني كسبت نفسي في الآخر ، صحيح كسبتها بعد حرب مؤذية بس كفاية اني لسة بضحك، حسبي الله ونعم الوكيل والحمد لله رب العالمين كلي ثقة في الله،  وبحمد ربنا كل يوم انه بعدني عن الشر ده.

منشور محمد رجاء 

وكان محمد رجاء قد كتب منشورا عبر حسابه الرسمي بموقع التواصل الاجتماعي “فيسبوك”، والذي جاء كالتالي: مش مسامح أي حد سرق من عمري لحظة مش ليلة ولا شهر ولا سنين ولا أي حد سرق مني حرف مش مجهود تفكير أو شغل شهور . 

وأضاف: ولا أي حد بخس حقي أو دارى الحقيقة وهو عارفها كويس ، ولا أي حد عملت معاه جميل وهو رد الجميل بالإساءة وقلة الأصل، ولا أي حد وعد وعشمني وأوهمني بحاجة مش حقيقية وأخلف، ولا أي حد أتغير وسابني مع الأسئلة لوحدي، ولا أي حد عرف أيه اللي بيوجعني واختار إنه يتك عليه ، ولا أي حد إستغلني،  ولا أي حد إتكلم في ضهري بشئ مش فيا وشوه صورتي أدام الناس بالباطل. 

واختتمت:  ولا أي حد حكم عليا واتعامل بناءا على حكمه من غير ما يوضحلي،  ولا أي حد صاحب باور أخد اللي عاوزه مني علشان مصلحته وبعدها إستندل ، مش مسامح أي حد غيرني وحولني من شخص يظن أن فيه خير في الدنيا حتى لو قليل لشخص عاوز يسيبها بكل الشر والخسة اللي فيها،  الدنيا إبتلاء وحسبي الله ونعم الوكيل، ومتأكد وعندي إيمان قوي بالله إنه في مكان ما هيرجعلي حقي من كل دول وهيردلهم كل القهر اللي عيشوني فيه أضعاف أضعاف، وبلا رحمة إن شاء الله، آمين.