رئيس الوزراء: تحريك سعر الخبز سيكون بصورة طفيفة ومنتظمة

قال الدكتور مصطفى مدبولي، رئيس مجلس الوزراء، الأربعاء،«مش عايزين نكرر تاني إن أروح عامل رقم وأقعد عليه 30 سنة لغاية أما الدنيا تخرب ونرجع نقول هنعمل، لازم يبقى في دائمًا تفكير إن في نوع من التحرك الطفيف اللي يحصل بصورة منتظمة».

و أضاف رئيس الوزراء خلال المؤتمر الصحفي أن الدعم على رغيف الخبز لن يُرفع بعد اتخاذ قرار تحريك سعره، الذي تدرسه الدولة خلال الفترة الراهنة.

وتابع : «هيفضل في دعم ودعم مش قليل، دعم كبير، ولكن متبقاش الفجوة بالطريقة دي، لازم الموضوع يتحطله إطار متكامل عشان لما نخرج بالموضوع ونقوله للناس يبقى واضح بصورة متكاملة».