دوللي شاهين: أغنية وحشاني يامه مرهقة نفسيا

كشفت الفنانة دوللي شاهين كواليس تصوير أغنيتها “وحشاني يامه”، مؤكدة أنها سببت له تعب نفسي كبير أثناء تسجيلها.

وقال دوللي شاهين من خلال فيديو نشرته عبر حسابها  الرسمي بموقع التواصل الاجتماعي “انستجرام": أغنية متعبة جدا ومرهقة نفسيا كان صعب أسجل وأصور في نفس اليوم، كنت محتاجة أسبوع عشان مشاعري متبقاش بالحساسية دي، خلصنا غنا وتعب أعصاب من جديدة دي أصعب أغنية غنيتها نفسيا.

وحشاني يامه

وكانت دوللي شاهين قد طرحت منذ أيام أغنية “وحشاني يامه” إهداء لروح والدتها الراحلة، بالتزامن مع عيد الأم. 

وتقول كلمات الأغنية

يامه بعد فراقك .. بقى فاضى خلاص مكانك
ولا طعم  الحاجة فى بعادك ... حلوة من يوم غيابك
يومى كانه سنه ..  وانا بتوجع انا
مش عارفة اعيش من غيرك سيبانى لمين هنا

واحشانى يامه ... واحشانى اللمه
دى فى عينى الضلمة ... محوطانى فى كل مكان 
يارب الصبر القوة ... بتقطع من جوه
دى الفرقة مش حلوة ... وقلبى خلاص بيموت تعبان

يامه انتى خلاص سبيتنى ... مين حاحكيله ويحكيلي
بتلاقي الدمعة في عيني .. تجري في حضنك تاخديني
لا بقينا خلاص سوا ...  وانا مسنوده على الهوا
من بعد ماكنت بيكى طايلة السما

واحشانى يامة .. واحشانى اللمه
دى فى عينى الضلمة ... محوطانى فى كل مكان
يارب الصبر القوة ... بتقطع من جوه
دى الفرق دي مرة ... وقلبى خلاص بيموت تعبان