بشرى: الصمت هو العدو الأكبر للفتايات وعايزة أشجع كل البنات إنهم يتكلموا عن مشاعرهم

كشفت الفنانة بشرى، عن تعرضها للتحرش أكثر من مرة سواءً داخل مجال العمل أو في المواصلات العامة، ما شجعها على تقديم أعمال فنية عن قضية التحرش.

وقالت بشرى في لقاء لها مع الإعلامية «بوسي شلبي»، من خلال برنامجها «ليالي Ten»، والمذاع عبر شاشة «Ten»، أنها قررت توجيه موهبتها وفنها لدعم القضايا التي تهم المجتمع وتهمها بشكل شخصي مثل التحرش.

وأضافت بشرى قائلة: «مفيش بنت متعرضتش للتحرش أنا اتعرضت للتحرش في مجال العمل والمواصلات العامة بدرجات مختلفة وقررت استخدم موهبتي علشان أقول لكل البنات لما حد يعمل دة اتكلمي».

وتابعت موجهة حديثها للفتيات: «الصمت عن الحاجات دي هو العدو الأكبر وعايزة أشجع كل البنات إنهم يتكلموا، وفيلم 678 لما نزل عمل ضجة وتم إعادة النظر في القوانين، وإحنا عندنا أفلام عملت إعادة نظر في القوانين والفيلم كمل مسيرة باقي الأفلام اللي غيرت القوانين»، متابعة: «الفيلم شجع الفتيات على تقديم بلاغات ضد المتحرشين».