المخرج هادي الباجوري: معنديش مشكلة مراتي تعمل مشهد رومانسي لأن البوس في السينما عادي 

رد المخرج هادي الباجوري، على الجدل الذي تعرض له أحدث أفلامه «قمر 14»، بسبب مشهد القبلة بين خالد النبوي وشيرين رضا.

وقال هادي الباجوري خلال لقائه مع الإعلامية ياسمين عز في برنامجها «كلام الناس»، على قناة «Mbc مصر»: «بوسة فيلم قمر 14 عادية والقبلات كانت حاجة عادية في السينما من 20 سنة وأنا مش هغير نفسي عشان الجمهور هما اللي محتاجين يتعالجوا.. والبوسة ليها معني في الفيلم وتمثل حب وتكون ضمن السيناريو».

وأشار إلى أنه لن يعترض على مشاركة زوجته الفنانة ياسمين رئيس في مشهد رومانسي، قائلا: «الممثلة اللي مش مستعدة للهجوم متشتغلش ممثلة أحسن، ومعنديش مشكلة زوجتي تعمل مشهد رومانسي في أعمالها، ومقدرش أقول غير كدا لأني بعمل مشاهد رومانسية وإزاي هقولها لا؟ هتقولي أنت منافق»، متابعًا: «كل شخص عنده شخصيته وممكن يتعرض على ياسمين رئيس مشهد رومانسي وهي ترفض ومش لازم أنا ومراتي يكون فكرنا واحد».

وأضاف: «إحنا شعب غريب أوي وعندنا انفصام في الشخصية وبنحط راسنا في التراب وكل واحد حر يعمل اللي عايزة، واللي مش عاجبه ميتفرجش أحسن فأنا لا أهتم بـتعليقات الجمهور حول أعمالي الفنية، وكلام الناس لا يشغلني في شغلي ولا حياتي وممكن يضايقني أو يزعلني بس ومش بقيس نجاحي بالسوشيال ميديا ولا الشارع».