كنت هروح الزمالك.. عبدالعزيز عبدالشافي يكشف مفاجآت في مسيرته الكروية

كشف عبدالعزيز عبدالشافي عن مفاجأة غير متوقعة وأنه قبل لعبه للنادي الأهلي كان من ناشئين نادي الزمالك ولكن لم بكمل مسيرته داخل جدران النادي الأبيض .

تصريحات زيزو 

 وقال زيزو :" في صيف سنة 1966 كنت روحت الزمالك الأول مش برغبة مني الحقيقة كان معايا زميل الله يرحمه اسمه محمد نجيب كان لعيب أوي وكنا إحنا الإتنين مع بعض في مركز شباب الجزيرة ورغم صغر سننا كنا بنلعب في أي فرقة نعمل حاجة جامدة اوي."

وتابع :" هو كان زملكاوي أوي وأنا أهلاوي أوي، قالي لازم نبقى مع بعض على طول، الزمالك جه لعب ماتش تحت 13 سنة في مركز شباب الجزيرة، الكابتن حمادة الشرقاوي كان ماسك فرقة الزمالك، خسرنا 3-2 وانا جبت الجولين يومها، كابتن حمادة بعد الماتش شافني قالي احنا عايزينك في الزمالك قولتله بس انا أهلاوي

أخو زيزو لاعبا في الأهلي 

 وواصل :"كان شوقي أخويا معروف جدا لأنه كان هناك هداف جمهورية وشباب وناشئين في الأهلي ولعب فريق أول، قالي أنت تقرب لـ شوقي عبد الشافي؟

 قولتله أنا أخوه الصغير، قالي خلاص انت بعد بكرة تجيلي الزمالك ويبقى واحد في الأهلي وواحد في الزمالك.

وأكم :" وروحت الزمالك مع صاحبي يومين ورا بعض محدش جربنا، كنا رايحين على أساس فيه اختبارات لكن محدش كان عارفنا ومتمش اختبارنا، قولتله أنا هروح الأهلي، وروحت الأهلي ودخلت اختبارات ونزلت تقسيمة ومحدش يعرفني

كيف انضم للأهلي  

 وتابع زيزو :"هي كورة واحدة جاتلي خدتها بفخد رجلي اليمين وبرجلي الشمال كده في الشارع راحت ناحية المعرض، الله يرحمه كابتن مصطفى حسين بعدها بلحظة ندهلي وكان معاه اتنين اداريين خدوني صوروني وعملولي كارنيه وقالي هتلعب مع فريق 15 سنة وانا اصلا تحت الـ13، وبعدها كملت في الأهلي.