حمو بيكا: مش عارف أشتغل في بلدي وهاخد حقي بالقانون من أي حد ظلمني

ظهر مطرب المهرجانات حمو بيكا، في بث لايف عبر حسابه بموقع التواصل الاجتماعي «إنستجرام»، كشف فيها استمرار معاناته بسبب عدم تمكنه من العمل داخل مصر.

وقال حمو بيكا: «مش بعرف أقرى ولا أكتب والناس حبتني عشان قالوا عليا قلبي أبيض.. أنا مش شغال في بلدي أنا شغال برة مصر وبلدنا فيها قانون وهاخد حقي من نقابة الموسيقيين بالقانون اللي جات عليا وعلى لقمة عيشي وحياتي».

وأضاف: «جنسيتي مصرية ومش عارف اشتغل فيها وفيه أجانب وشغالين في بلدي، والبلد فيها قانون وهاخد حقي من النقابة بالقانون وإزاي ناس النقابة قالت عليهم مزورة ومسجلة وخدوا الكارنيه بعد أسبوع أنا هكشف كل حاجة وبالقانون».

وتابع: «كل واحد وقف في مستقبلي هقوله هشوف فيك يوم وفي أعز ما لديك عشان أنت دمرتلي حياتي ومستقبلي.. أما أكشف ظلم النقابة لي وهاخد حقي مش عاوز أمسك مايك تاني أو أغني».

وأوضح: حسبي الله ونعم الوكيل في كل واحد ظلمني ومش مسامح اي حد ظلمني، وأنا جبل مش هيهزني ريح وواقف على أرض صلبة وربنا معايا اللي أحسن من أي حد، أنا عاوز أكل عيش أنا مش بنام من التعب والتفكير».