لقاء الخميسي: الكرامة مبتتكسرش لما تحافظ على بيتك وأسرتك

تحدثت الفنانة لقاء الخميسي عن أزمتها الأخيرة مع زوجها الكابتن محمد عبدالمنصف بعد زواجه من إيمان الزيدي، مؤكدة على حرصها الشديد للحفاظ على حياتها الأسرية.

وقالت لقاء الخميسي عبر برنامج mirror: كنا عائلة مستورة قافله على نفسها محدش يعرف عننا حاجة والستر اتشال في لحظة بسبب جواز  محمد عبدالمنصف.

وأضافت لقاء: ولا كنت سامعة ولا شايفة ولا حاسة بأي حاجة غير إني خدت قلم على وشي، الطرف الآخر فاكر أنه هيخرب بيتي، لكن أنا مش بخرب بيتي الكرامة مبتتسكرش لما بتحافظ على بيتك وعيالك ومستقبل عيالك.

عودة لقاء الخميسي لـ محمد عبدالمنصف 

وكانت لقاء الخميسي منذ أسابيع قليلة، قد أعلنت عودتها لـ محمد عبدالمنصف، حيث =نشرت فيديو مجمع لذكرياتهما معا، وذلك عبر حسابها الرسمي بموقع التواصل الاجتماعي “انستجرام”، وعلقت عليها قائلة:⁨ الدنيا يتختيرنا دايماً وأبداً ، أيام بتسعدنا وأيام يتبعدنا وتزعلنا وتجرحنا ،وبنتوه مع نفسنا".

وأضافت: الحكمة بتظهر من قلب الحزن ، وبنقعد نفكر ايه الصح وايه الغلط وهل اللي عدينا بيه شر ولا خير .
ومع الوقت ، ولما النفس تهدى والعقل يفكر والقلب يدق ، بنكتشف ان كلنا ينغلط وبنتوه شوية في وسط الزحمة ، في ناس بتغلط وتكمل في الغلط ! وفي ناس بتغلط و يترجع لحكمتها ويتندم وتصحح الخطأ".

وتابعت: مافيش حد مابيغلطش ، بس القوي الحقيقي بيعترف بالغلط وبيرجع لصوابه، ربنا فتحلنا باب المغفرة والسماح، شكرا من قلبي لكل انسان دعمني ووقف جنبي وطبطب عليا وشكرا لكل اصدقائي المقربين اللي وفقوا جنبي وكل من دعمني من اصدقاء السوشيال ميديا اللي نوروا حياتي بالمحبة وطبطب على قلبي ودعالي دعوة حلوة”.

واختتمت:  "أخر حاجة هاقولها ، أسهل حاجة في الدنيا هدم البيوت العمرانة وأقوى حاجة في الدنيا إننا نحافظ على حياتنا ونحارب على بيوتنا واولادنا يالحب والسلام كلنا بنغلط ، وبنندم ونرجع لصوابنا .. ونرجع ببداية جديدة مليانة شغف وحب وسلام وراحة يال، لكل ست وربة منزل حافظي على بيتك وعيلتك بكل قواكي وأوعي تدي الفرصة لأي انسان انه يهدم بيت العيلة، بحبكم من كل قلبي أصدقائي وعيلتي الكبيرة".