المتحرش مغتصب وحرامي.. نجلاء بدر تعلق على أزمة واقعة الاتوبيس

علقت الفنانة نجلاء بدر على أزمة واقعة فتاة الأتوبيس التي تصدرت مواقع التواصل الاجتماعي خلال الأيام الأخيرة، مشيرة إلى أن الأغلبية تعرض للتحرش بجميع أنواعه.

وكتبت نجلاء بدر في منشور لها عبر حسابها الشخصي بموقع التواصل الاجتماعي فيسبوك: عارف ليه دفاع الكل عن البنت بالرغم من عدم إثبات الوقعة إللي صعب إثباتها لأن كتير مننا تعرض لكم هائل من التحرش اللفظي و الجسدي و المرئي ومعرفناش نثبته.

وأضافت: لأن المتحرش مش بيتحرش تحرش مرئي للكل لأنه مغتصب وحرامي زي النشال بيسرق بخفة يد علشان ماحدش يشوفة ولا يحس بيه ولا تقدر تثبت عليه التهمه كلمة قذرة في الودن كفيله ببث الرعب في قلوب البنات والنساء ملامسة الجسد بحركة سريعة أو إحتكاك.

وواصلت: كفيله بحالة إختراق وتحرش جسدي كامل إسال مامتك او أختك أو بنتك وأنت تعرف إللي صعب تفهمه أو عيش عبيط و ماتعرفش إن ناس كتير هتكت عرض بيتك و عايشين حواليك وأهل بيتك للأسف معرفوش يثبتوا عارف  بنقول حرامي الأول ليه !! علشان الناس ترضى تمسكه لأن لو قولنا متحرش ماحدش بيرضى يمسكه و كأنه عادي حصل إيه يعني ماتسكتي و تستري على نفسك و بلاش فضايح !!!!!زي ما شوفنا بالظبط كده إبتسامة الولد الباردة المُتبجحة هي بالنسبالنا وريني إزاي ها تثبتي إني اتحرشت بيكي !!؟؟.