إلهام شاهين عن التبرع بالأعضاء: سألت الشيوخ وقالوا صدقة جارية |خاص

أيدت الفنانة إلهام شاهين قرار النائبة أميرة صابر، حول التبرع بالأعضاء بعد الوفاة مشيرة إلى أنها سألت شيوخ وأفادوها أنها صدقة جارية.

وقالت إلهام شاهين في تصريح خاص لـ"بصراحة": مقتنعة بالتبرع بالأعضاء جدا على المستوى العلمي ومستتوى الأطباء ومستوى الدين سألت شيوخ وأساتذه كبار وقالولي دي صدقة جارية على روح المتوفي لإنه أنقذ حياة انسان.

وأضافت: لكن على الأقل ريحه من الألم لو واحد أدى قرنية لواحد فتح، وكل الدول المتحضرة والعالم عنده تبرع أعضاء ده شئ محترم وانساني وطبعا ياريت القانون يفعل ويوافق لو أنا توفيت وموصية عيلتي إني أي جزء سليم يفيد انسان ياخده لازم ننصح الناس تتعمل إزاي ده موجود في العالم كله ازاي ميبقاش موجود في مصر اتمنى ده يحصل ويبقى عملنا خير كلنا.

وواصلت: المتبرع بعد وفاته مش ناقصه حاجة مش فارق معاه الجسم هيفنى لو هيفيد انسان تاني ليه لأ، التبرع بعد الوفاة مش بنقول وهو لسه عايش لإن يهمنا نحافظ على حياة الناس أنا بقول بعد الوفاة.