طموح بلا حدود.. محمد أنور يكشف فلسفته في اختيار أدواره

كشف الفنان محمد أنور عن نظرته لمسيرته الفنية وطموحه المستمر في تقديم أدوار مختلفة، مؤكدًا أنه منذ انطلاقته يسعى لإثبات قدرته على التنوع وعدم حصر نفسه في قالب فني واحد.

ونشر الفنان محمد أنور منشورًا عبر حسابه الشخصي بموقع التواصل الاجتماعي فيسبوك: "من ساعة ما بدأت وأنا بسعى طول الوقت إني أعمل حاجات تبين إني ممثل أقدر أعمل كل حاجة وإني عندي حاجات كتير لسه الناس ماشافتهاش".

وتابع أنور: "ساعات بتصيب وساعات بتخيب، ساعات بعمل اللي السوق عاوزه وبنجح فيه نجاح كبير الحمد لله، وكثير بحاول أعمل اللي أنا عاوزه واللي حبيت التمثيل عشانه، وبيتقال لي ساعتها بلاش، ليه تغير طالما ربنا كرمك في الحتة دي ومطلوب وأنت من أهم الناس فيها".

وأضاف: "مش يمكن ربنا يكرمني أكتر في حتة تانية وأنجح أكتر؟ كل أما الواحد بيكبر بيتعلم أكتر وبيكتسب خبرة أكبر، والنجاح بيديني ثقة أكبر إني كل مرة أكسب حتة جديدة وأعمل كل اللي نفسي فيه واللي حبيت التمثيل عشانه".