لقاء الخميسي توجه رسالة بعد أزمة زواج محمد عبدالمنصف

وجهت الفنانة لقاء الخميسي رسالة بعد أزمة طلاق زوجها الكابتن محمد عبدالمنصف من الفنانة إيمان الزيدي.

ناس بتحربنا وناس تانية بتطبطب على قلوبنا

وكتبت لقاء الخميسي من خلال خاصية الاستوري عبر حسابها بموقع «انستجرام»: دائما وأبدا الدنيا بتخبرنا وبتغط علينا، وتغير حياتنا من حين لآخر وبتلخبطنا، ساعات بنحقق أحلامنا، وساعات بنتوه في الزحمة ونتنسى، بنقابل ناس بنحبهم، ونقابل ناس مش بتسطلطفنا، وناس بتحربنا وناس تانية بتطبطب على قلوبنا، وناس بتعاندنا وبتحاول تكسرنا، لأن هم نفسهم مكسورين، ومش عارفين يصدقوا في نفسهم حتى، وهما ييحققوا اللي هما قرروا يحققوه، وحتى وهما ناجحين".

اختبار الدنيا مش سهل وعايز صبر ونفس طويل 

وأضافت الخميسي: اختبار الدنيا مش سهل وعايز صبر ونفس طويل، علشان في أخر الطريق نعرف إحنا في الدنيا ليه، وإيه هي مهمتنا الأساسية غير إن إحنا نطور من نفسنا، وتتعلم الصبر ومتتضايقش من أي إنسان، حتى لو هو قرر يضايقنا".

السماحة ليها معنى كبير 

واختتمت: السماحة ليها معنى كبير، في النهاية إحنا هنا علشان نحب، نفكر، ونتعلم في أخر الطريق، هنعرف إيه هي حكمة وجود كل إنسان فينا".

طلاق محمد عبدالمنصف وإيمان الزيدي

وكانت إيمان الزيد منذ أيام،  قد أعلنت طلاقها من محمد عبدالمنصف بعد زواج دام لمدة 7 سنوات، حيث كتبت منشورا من خلال خاصية الاستوري عبر حسابها بموقع تبادل الصور والفيديوهات "انستجرام"، والذي جاء كالتالي: "بعد زواج شرعي دام 7 سنوات، أعلن انفصالي عن زوجي.

زواج محمد عبدالمنصف وإيمان الزيدي

وكان محمد عبدالمنصف عام  2019، قد أعلن زواجه من إيمان الزيدي.

متمسكين ببعض 

وكشف مصدر مقرب من لقاء الخميسي وحارس المرمى محمد عبدالمنصف منذ أيام حقيقة انفصالهم بعد إعلان الفنانة إيمان الزايدي زواجها من عبدالمنصف منذ 7 سنوات.

وقال المصدر في تصريحات خاصة لـ"بصراحة": كل الأخبار المنتشرة غير صحيحة عبدالمنصف ولقاء متمسكين ببعض ومفيش مشاكل بينهم