«مش لوحدك».. جيني كمال تدعم لقاء الخميسي بعد أزمتها الأخيرة

دعمت جيني كمال، طليقة الشاعر أمير طعيمه، الفنانة لقاء الخميسي بعد أزمتها الأخيرة مع زوجها بسبب ما تُرِدِّدَ عن الزوج في السر. 

وكتبت جيني عبر حسابها الشخصي بموقع التواصل الاجتماعي فيسبوك: "نصيحة خاصة للفنانة لقاء الخميسي : احكمي عقلك يا محترمة يا بنت الأصول، بغض النظر إنك كنتِ تعلمين أو لا". 

وأضافت: "الزوجة الثانية واضحة جدًا، سكتت على زواج من رجل متزوج، سنين جايه النهاردة تعملي بحياتك ترند رخيص، ده غير إنها لو فيها خير ما كانتيش من الأول وافقت بزيجة من رجل متزوج وعنده أولاد طوله". 

وتابعت: "لو كان عندها بديل ما كانتيش وافقت، وشوفنا نماذج في حياتنا لا تُعَد، فُوتي الفرصة عليها وسبيها تتشقلب وتعمل أكتر من كده، لو على المعرفة عرفنا، وفي الآخر لا يصح إلا الصحيح، وأطلقت". 

أكملت: "و تاني، اللي خان يُخان، ده عدل وقانون رب العباد، حاسبيه، انتقمي منه وخدي حقك زي ما تحبي في البيت، وما تخسريش عيالك أبدًا، حياة سوية كانوا عايشينها، عشان هتشوفي خساير فيهم أكتر كتير من خراب بيتك، وربنا يعوضك خير في كل حاجة حتى لو اتغدر بيكي".

 اختتمت: "ده كان بيشيل عنك حاجات كتير أنتي مش عارفاها، ربنا له حكمة في كده، والله أقلها إن عيالك ماشيين على الأرض بخير وربنا معاكي ويديكي السكينة والطمأنينة وراحة القلب، دول أهم كتير من أزمات الدنيا والله".