«أتحاد الكرة مش بيحموا حسام حسن»..عمرو زكي في تصريحاته مع سهام صالح

خرج عمرو زكي نجم نادي الزمالك السابق في تصريحات عبر برنامج الكلاسيكو مع الإعلامية سهام صالح للحديث عن منتخب مصر في كأس أمم أفريقيا.

تصريحات عمرو زكي عن مصير منتخب مصر في كأس الأمم

أكد عمرو زكي نجم الكرة المصرية السابق، أن منتخب مصر سيقدم أداءً قويًا أمام زيمبابوي في أمم أفريقيا 
وقال زكي فى تصريحات مع سهام صالح لبرنامج الكلاسيكو على قناة اون: اللي بيحصل مع حسام حسن ده ظلم وأتحاد الكرة مش بيحموا حسام حسن.

وأضاف: دور الإعلام يدعم المنتخب.. إحنا بندعم الأندية أكتر من المنتخب ، حسام حسن رمز كبير جدا .. أنا اشتغلت مع حسام حسن مع الزمالك راجل مش عاوز يخسر.

وتابع: كابتن حسن شحاته  كان بيتحارب بس وقت البطولة كنا بندعمه طيب ماحنا في بطولة لازم ندعمه.

وأستكمل: النهاردة مفيش أهلى وزمالك حق الناس تشوف المنتخب وتفرح.. أديني فرصه مش عارف تساعدني أزاي تسكت.

عمرو زكي عن حسام حسن

عمرو زكي خلال حديثه عن العميد: كابتن حسام حسن مش أي حاجه تعلقله عليها.. كلامه مسؤوليته أه لكن هو قال محترفين وربع ممكن يكون خانه التعبير مش أكتر.

وأكمل: حسام حسن مش هيعمل إلا الصح وحسام حسن مثلي الأعلى كرويا.

وأضاف: أزاي اشتغل على مرموش وازاي أشتغل على صلاح وازاي أشتغل علي محمد مصطفى محمد لو جاهز مفيش كلام ولو إمام عاشور جاهز يبدأ.

تواصل نجوم منتخب مصر السابقين مع عمرو زكي خلال فترة غيابه

أكد عمرو زكي نجم الكرة المصرية السابق، أن الحضري وأحمد حسن يتواصلان معه باستمرار للاطمئنان عليه 
وقال زكي في تصريحات مع سهام صالح لبرنامج الكلاسيكو على قناة أون: فيه ناس بتتواصل معايا ومش بحمل حد حاجه.، دايما وانا في الزمالك اللي هو أكبر نادي في افريقيا والشرق الأوسط متعود اني لازم اكسب واخد بطولات.. زي منتخب مصر.