محمد أنور: أحمد السقا فعلا ميجا ستار

حرص الفنان محمد أنور علي تقديم الدعم للفنان أحمد السقا ،بعد الاهانة والسخرية التي طالته الفترة الماضية نتيجة لتقديم الدعم للأعب محمد صلاح.

ونشر الفنان محمد أنور عبر صفحتة الرسمية علي انسجرام منشور يدعم فيه أحمد السقا قائلا : احمد السقا فعلا ميجا ستار، فيه ناس بتقولها علي نفسها معملوش ربع تاريخه ولا اعمالهم هتعيش وهتعلم زي اعماله كل افلامه علامات في تاريخ السينما المصرية.

وتابع محمد أنور حديثة قائلا :  أحمد السقا اصبح ايقونه في الاكشن والناس في الشارع لما بتلاقي واحد قلبه جامد بتقوله ( انت فاكر نفسك احمد السقا ولا ايه ) ومحمد صلاح عمل تاريخ مشرف واصبح ملهموخلي المستحيل ممكن ووصل لمكانه اظن مفيش حد عربي هيوصلها تاني علي الاقل طول ماحنا عايشين.

وأكمل :فبدل مانفرح اننا حضرنا ده لا بنحاول نهده ونفرح فيه وبنتمني وقوعه بسرعه،وقبلهم مجدي يعقوب وعمرو دياب ومني زكي وخوض في اعراض ومين طلق ومين اتجوز ومين مات وغيرهم كتير.. السوشيال ميديا مفيده احيانا وفيها ناس محترمه كتير وكلامهم مهم واراءهم محترمه حتي لو كان نقد سلبي لكنهم للاسف قله.. اما الغالبيه العظمي والاكثر تأثيرا علي السوشيال ميديا كلها ترندات هدم سواء في شخص او مجتمع وشتايم وتريقه واثاره فتن ودي بتأثر عالوعي الجمعي اكتر وانا نفسي بتأثر بده حتي لو كنت اعرف الشخص ده وعارف انه مايعملش كده لكني للاسف بصدق.