مشكلة ديانج مش مرتبه.. شوبير يكشف آخر تطورات التجديد مع ديانج

يسعى النادي الأهلي خلال الفترة الأخيرة في تجديد عقود لاعبيه والسعي لتقوية فريقه والحفاظ على نجومه وعلى رأسهم أليو ديانج 

شوبير عن ديانج 

 وصرح الإعلامي أحمد شوبير عن موقف ديانج مع الأهلي :" المؤكد إن ديانج لما رجع اليومين اللي فاتوا حصل معاه تفاوض وكلام، لكن النادي الأهلي متكتم جدًا ومش بيطلع يقول إيه اللي حصل بالظبظ"

وتابع :"مرة يطلع كلام إنهم قريبين من الاتفاق، ومرة يقولوا إنهم قدموا عرض، لكن مفيش تفاصيل واضحة
آخر حاجة وصلتلي إنهم قرّبوا جدًا في الأرقام"

سبب مشكلة التجديد

 وأكد أن :"المشكلة مش في الرقم نفسه، المشكلة في كيفية دفع الرقم ،الأهلي قال لديانج هندفع مبلغ معين كاش، وباقي المبلغ اللي هو عايزه يبقى في صورة امتيازات"

وواصل :"الامتيازات دي زي مكافآت تسجيل أهداف، صناعة أهداف، عدد مشاركات في المباريات، وحاجات بالشكل ده
 لحد دلوقتي موصلوش لاتفاق نهائي في ملف ديانج"

وأكد :" في مصدر جوه النادي الأهلي بيقول إن القصة قريبة جدًا، ومصدر تاني شايف إن القصة لسه بعيدة
 فأنا بقول لك الحدوتة ماشية إزاي، وأنا مبمسكش العصاية من النص"

موقف أليو ديانج مع الأهلي في يناير القادم

قال وليد صلاح الدين: “هناك 6 لاعبين تنتهي عقودهم نهاية الموسم، وهم أليو ديانج، كوكا، حسين الشحات، أحمد عبد القادر، وأحمد عابدين، بالإضافة إلى بيكهام الذي ستنتهي إعارته”.

وتابع في مداخلة هاتفية عبر برنامج أوضة اللبس: “النادي لم يجتمع حتى الآن مع أليو ديانج أو حسين الشحات لمناقشة التجديد، كما لم تصل أي عروض رسمية لأي لاعب داخل الفريق”.

وأتم صلاح الدين حديثه: “الفترة الحالية تشهد تركيزًا كاملًا على حماية غرفة الملابس وفرض حالة قوية من الانضباط داخل الفريق”.