طارق يحيي: ضاعت هوية الزمالك والفريق مفيهوش أسماء تخض

يمر نادي الزمالك بفترة صعبة خلال الأيام الماضية بسبب العجز المالي وإيقافات القيد وغيرها من المشاكل التي أصابت النادي.

تصريحات طارق يحيي

 وصرح طارق يحيي لاعب نادي الزمالك السابق قائلا :"انا من 3-4 شهور تحفظت على اللي بيحصل في الزمالك، وناس كتير زعلت من زملكاوية أصدقائي وكلموني ازاي ومش إزاي، قلتلهم ده رأيي هتحجر علي رأيي ليه أنا لبست تيشيرت الزمالك وعارف قيمته وعارف قيمة جدران نادي الزمالك.
 وتعجب :"أ ب محو هوية الزمالك انت ليه بتتمرن بره انت قلقان من إيه احنا زمان كنا بنتعاقب اننا نروح التمرين في الزمالك عشان تحس بقيمة النادي، دلوقتي بيتمرن يطلع وييجي من بره بره فين الهوية، فين الإنتماء للنادي، دخلة نادي الزمالك ليها هيبة .

 وواصل :"فين العقاب الفوري بعد أي مباراة بفشل فيها لكن عادي وتخصم منه، كلام قلته من زمان وللأسف ناس حبايبي صحابي فنانين كبار قلتلهم ما تزعلوش ده رأيي أنا قلتله وهتشوفوا النتيجة"

 وتسائل :"آدي النتيجة ،فين الزمالك؟ راح فين الزمالك؟ فين هوية الزمالك؟ فين الأسماء اللي تخض في الزمالك.

تصريحات طارق يحيي عن قفشة

وكشف طارق يحيى عن تفاصيل جديدة بشأن العروض التي تلقتها إدارة الأهلي لضم محمد مجدي أفشة، مؤكدًا أن الأرقام التي تم تداولها كانت مبالغًا فيها وغير منطقية.

وقال طارق يحيى خلال برنامج "اللعيب" إن بعض الوسطاء تحدثوا عن عروض وصلت قيمتها إلى 1.8 مليون دولار لإعارة أفشة لمدة موسم، وهو رقم "خيالي وغير واقعي"، موضحًا أن اللاعب ياو أنور نفسه طُلبت إعارته مقابل 750 ألف دولار فقط.
وأضاف طارق يحيى أن وجهة نظره الفنية تجاه أفشة واضحة، فهو لاعب مميز وقادر على صناعة الفارق، إلا أن القيمة العادلة لإعارته لا تتجاوز 250 ألف دولار كحد أقصى.