بحب الخير لـ زمايلي وأساعد فريقي.. حسين الشحات في لقاء خاص عبر منصات النادي الأهلي

ظهر الكابتن حسين الشحات نجم النادي الأهلي عبر لقاء صغير على صفحات السوشيال ميديا الرسمية للفريق .

 تصريحات حسين الشحات 

وقال الشحات :"الحمد لله انا رجعت، والحمد لله تمام وبتمرن مع الفريق، وإن شاء الله جاهز بإذن الله، والمشاركة دي بتاعة المدرب، والله الحمد لله الإصابة كانت جاية في وقت بعد ما شاركت وظهرت بشكل كويس، وربنا يكرم إن شاء الله وارجع أحسن من الأول إن شاء الله.

 وأكد :"الحمد لله الجمهور فيه علاقة كويسة وعلاقة طيبة بينا الحمد لله، وإن شاء الله تفضل دايما طول العمر، ودي حاجه كويسة وبحترمها وبقدرها، وربنا يكرمني إن شاء الله واقدر اسعدهم ونفرحهم.

وتابع :"ماتش الزمالك كان ماتش كبير ومهم، الماتشات دي بتبقى مستنيها لأنه ماتش جماهيري كبير والحمد لله ربنا كرمني ووفقني فيه.

وأكد أن :" لقطة بوسة الشنكار أيوة بحب أعمل كده لأن الصورة فيها أسرتي، الحمد لله ربنا كرمني بيها وإن شاء الله الماتشات الجاية تفضل كده على طول.

وواصل :" أهم حاجة تبقى مركز في الماتشات الكبيرة وحتى لو مش بادئ الماتش وطول ما انت قاعد على الدكة تبقى مركز ايه النقطة اللي ممكن لما تنزل تفرق بيها وتساعد فرقتك وأنا كنت مركز على حاجة معينة أعملها والحمدلله ربنا كرمني"

 وقال :"أنا بحب الخير لـ زمايلي وبحب أساعد فريقي وزمايلي، ودي نعمة ربنا يديمها عليا، اللي بيلعب مكاني ده أكتر واحد بدعيله انه يبقى احسن لاعب في الماتش، على الأقل عشان لما أنزل يبقى "ولك بالمثل" وربنا يكرمني.

وأكد أن:" زيزو إضافة كبيرة للأهلي وبقوله ان شاء الله ربنا يكرمك، زيزو وبنشرقي وتريزيجيه كانوا كلهم كويسين في بطولة السوبر وطاهر لما نزل عمل أسيست في النهائي، ودي حاجة كبيرة ومبسوط لهم جدًا"

 وتابع :"سيبك من حوار أوضة اللبس، ناس كتير بتتكلم في كل حاجة، وباين في الملعب ان اللعيبة مع بعض وبيحبوا بعض، مش محتاجين نتكلم عليها والله"

 وصرح أن :"لقطة الأسيست لـ إمام عاشور في ماتش فاركو، كلنا كنا عاوزين نساعده يجيب جول، وربنا كرمني إن أنا اللي اعمله الاسيست إللي ياخد بيه هداف الدوري ودي حاجة كبيرة، ربنا يكرمنا كلنا ان شاء الله ودايمًا كلنا مع بعض"