اختيارات اللاعبين والمدربين غلط .. ميدو ينتقد إدارة الزمالك

يمر نادي الزمالك بأزمات عديدة خلال الفترة الماضية ،وهجوم شديد من جماهير القلعة البيضاء، وانتقد أحمد حسام ميدو الصفقات الأخيرة .

تصريحات ميدو 

 وصرح العالمي :مشاكل الزمالك واضحة من البداية وهي في اختيارات اللاعبين، ومن البداية في اختيارات المدرب، وكمان في المشاكل المالية

 وقال :ولكن هل كوالتي اللاعبين اللي جابها الزمالك، لو كان الزمالك مستقر ماليًا، كانت هتبقى أفضل؟

 وتسائل :هل شيكو بانزا، معالي، آدم كايد، أحمد شريف، عمرو ناصر كلهم كانوا هيبقوا أفضل .. الحقيقة؟ لأ.. المشكلة الأساسية في اختيار اللاعبين

تصريحات ميدو 
 

وصرح ميدو :عشان تتجنب السلبيات والمشاكل اللي كانت بتحصلك قبل كدة، هل معقول ان لما الزمالك يبقى فيه مدير رياضي محترف ان لاعب زي صلاح مصدق يجيله عرض من الوداد اعارة بأحقية الشراء في بداية الموسم وعقده شغال وتقدر ترجع فلوسك اللي انت دفعتها بالمليم ويتم تجاهل العرض واللعيب بعد كده يعمل انذار ومحدش يناقشه في الانذار وتستنى لما مهلة الاسبوعين بتوع الانذار يخلصوا واللاعب يفسخ عقده ويبقى فري وتضطر انك تدفع له عقده بالكامل ويمشي ببلاش .. هل ده ليه علاقة بالمشكلة المالية اللي بيواجهها الزمالك؟
هل لو كان فيه فلوس جوه الزمالك كانت الأخطاء دي مش هتحصل .. مينفعش ندفن راسنا في الرمل وتبقى الناس مش عايزة حد يتكلم

وتابع :ده مش اسلوب مدربين محترمين، مكنش لاقي شغل وعشان كده وافق على المقابل المادي الضعيف

وأكد : يانيك فيريرا كان متهم في أكبر فضيحة تلاعب في تاريخ بلجيكا وده من أسباب ان إدارة الزمالك قررت اقالة فيريرا قبل السوبر المصري

وقال يانيك فيريرا: “لم أصل إلى أي اتفاق مع الزمالك لتسوية الأمور المادية، وأرسلت إخطار للزمالك إنهم لا يحترمون كلمتهم وأرغب في الحصول على كل مستحقاتي المالية وعليهم أن يسددوا المبلغ بالكامل وقدمت شكوى للفيفا”.
وتابع عبر قناة النهار: “تواصلت مع جون ادواود سألته لم يجاوبني و قال لي انني مشغول. ثم تم تبليغي بالرحيل من جانب عبد الرحمن مدير التعاقدات بالزمالك، وجاءوا إلى منزلي ف اليوم التالي”.