أحمد حسام ميدو ينتقد جون إدوارد بسبب صلاح مصدق

يمر نادي الزمالك الفترة الأخيرة بأزمات عديدة مع مديره الرياضي جون إدوارد ،كما واجه انتقادات عديدة خلال الفترة الماضية وانتقد ميدو لاعب الزمالك السابق وعضو لجنة التخطيط للأبيض السابق جون اداوارد وكيفية تعامله مع ملفات الزمالك.

تصريحات ميدو 

 وصرح ميدو :عشان تتجنب السلبيات والمشاكل اللي كانت بتحصلك قبل كدة، هل معقول ان لما الزمالك يبقى فيه مدير رياضي محترف ان لاعب زي صلاح مصدق يجيله عرض من الوداد اعارة بأحقية الشراء في بداية الموسم وعقده شغال وتقدر ترجع فلوسك اللي انت دفعتها بالمليم ويتم تجاهل العرض واللعيب بعد كده يعمل انذار ومحدش يناقشه في الانذار وتستنى لما مهلة الاسبوعين بتوع الانذار يخلصوا واللاعب يفسخ عقده ويبقى فري وتضطر انك تدفع له عقده بالكامل ويمشي ببلاش .. هل ده ليه علاقة بالمشكلة المالية اللي بيواجهها الزمالك؟ 

هل لو كان فيه فلوس جوه الزمالك كانت الأخطاء دي مش هتحصل .. مينفعش ندفن راسنا في الرمل وتبقى الناس مش عايزة حد يتكلم

تصريحات ميدو

 فرد ميدو الليلة على تصريحات البلجيكي : اللي عمله فيريرا أسلوب رخيص ويبتز الزمالك للحصول على مستحقاته كاملة

وتابع :ده مش اسلوب مدربين محترمين، مكنش لاقي شغل وعشان كده وافق على المقابل المادي الضعيف

وأكد : يانيك فيريرا كان متهم في أكبر فضيحة تلاعب في تاريخ بلجيكا وده من أسباب ان إدارة الزمالك قررت اقالة فيريرا قبل السوبر المصري

 وقال يانيك فيريرا: “لم أصل إلى أي اتفاق مع الزمالك لتسوية الأمور المادية، وأرسلت إخطار للزمالك إنهم لا يحترمون كلمتهم وأرغب في الحصول على كل مستحقاتي المالية وعليهم أن يسددوا المبلغ بالكامل وقدمت شكوى للفيفا”.
وتابع عبر قناة النهار: “تواصلت مع جون ادواود سألته لم يجاوبني و قال لي انني مشغول. ثم تم تبليغي بالرحيل من جانب عبد الرحمن مدير التعاقدات بالزمالك، وجاءوا إلى منزلي ف اليوم التالي”.