عمرو بسيوني: تجربة بيراميدز جديدة على الكرة المصرية.. ولا يوجد ما يمنع إنتقال إبراهيم عادل لأي نادي مصري

أعرب عمرو بسيوني مدير تعاقدات نادي بيراميدز، عن سعادته بما حققه الفريق السماوي من جوائز خلال حفل الكاف لاختيار الأفضل 2025.

تصريحات عمرو بسيوني

قال عمرو بسيوني: “ناس كتيرة شككت في التجربة وقالت إنها مش هتنجح، لكن بيراميدز بيرد دايما”. 

وتابع عبر برنامج ملعب أون: “تجربة بيراميدز جديدة على الكرة المصرية، هو نادي استثماري معندوش ظهير جماهيري ولا ظهير إعلامي”.

وأكمل: “تتويج بيراميدز بدوري أبطال أفريقيا هو مش إنجاز، لكن إعجاز بالنسبة لفريق بيراميدز، وأصبحنا في معادلة الكرة المصرية حالياً، وبيراميدز دائما بيحافظ على الاستمرارية في المنافسة مع الزمالك والأهلي”. 

وأشار: “عقد فيستون ماييلي هينتهي في الصيف فعلا، ولسه متمش الحديث معاه عن التجديد وعلاقتنا مع لعيبتنا كده دايما”.

وأضاف: “اللي الناس متعرفهوش أن الشيبي كان عقده هيخلص في الصيف اللي فات، وجدد في شهر مايو بين الذهاب والعودة للقاء صن داونز”. 

موقف صفقات بيراميدز

وزاد: “ماييلي جبناه بيراميدز ب500 الف دولار وقتها كان 15 مليون جنيه تقريباً، فاحنا لسه هنقعد معاه ونشوف الوضع ايه، وهو طبعا عنده عروض كتيرة وهو لاعب كبير والعلاقة بينا أكبر من قصة فلوس”.

وأردف: “محصلش أي مفاوضات على صفقات تبادلية مع نادي الزمالك، ومطلبناش ضم حسام عبدالمجيد وناصر ماهر مقابل رحيل مصطفى فتحي ولا الحاجات دي”. 

وذكر: “علاقتنا مع نادي الزمالك علاقة محترمة، وهنأت جون إدوارد المدير الرياضي في الصيف لما تولى المسؤولية”. 

وأوضح: “مفيش تفاوض بشأن ضم محمد صبحي لنادي بيراميدز، وهدفنا من الأول كان ضم محمود جاد، ومعلومة بيراميدز مش أعلى فريق بيدي رواتب في مصر خالص”.

وأتم حديثه مؤكدا: “مفيش بند بيمنع من إنتقال إبراهيم عادل إلى نادي في مصر خالص، ومفيش كمان نسبة إعادة بيع”.