حلا شيحة تدافع عن دينا الشربيني بعد أزمتها

علقت الفنانة حلا شيحه بعد تداول أخبار عن ارتباطها بفنان شهير، وربط ذلك بانفصاله عن زوجته آن الرفاعي، وانتشار وصف دينا بـ“خرابة بيوت”، 

حلا شيحه تدافع عن دينا الشربيني في ازمتها نشرت الفنانة حلا شيحا عبر حسابها على إنستجرام رسالة أوضحت فيها أنها تعرف دينا منذ سنوات طويلة، مؤكدة أنها هذه الأقاويل عارية تماما من الصحة، وقالت حلا: الجميلة دينا الشربيني... أعرفها من سنين طويلة، وأشهد إنها من أطيب وأرق القلوب روح مرحة، خفة دم، وجدعنة صديقة قريبة، ونيتها دائما طيبة مع الناس.

وعلقت قاله ايضا رسالتي للناس اللي بتهاجمها للأسف العتب مش بس على اللي بيصدق الإشاعات... العتب الأكبر على بعض الإعلاميين اللي فقدوا المهنية، وبقوا ينشروا كلاما غير موثوق وغير صحيح ... والناس تسمع وتنقل وتزود من عندها”.ثم تابعت حديثها "أولا وبوضوح دينا مش "خرابة بيوت" ولا عمرها كانت كده، الزواج والطلاق قسمة ونصيب، ومحدش بيخطف حد من حد، وأنا أعرف دينا كويس... وأعرف إنها ما تعملش حاجة من اللي بيتقال ظلمًا، المشكلة إن السوشيال ميديا بقت ساحة مفتوحة للإشاعات، والتحريض والخوض في الأعراض.. وكأن الكلام ما بقاش له حرمة ولا أثر، مع إن الكلام المؤذي ممكن يكسر قلوب ويظلم ناس بريئة ويتسبب في أذى كبير، وربنا أمرنا إننا نمسك لسانا، وما نخوضش في سمعة حد... لأن دي من أخطر الذنوب، وإحنا كلنا هنقف قدام ربنا ونتحاسب على كل كلمة قلناها أو نقلناها."

وختمت الفنانه حلا شيحه بدعمها للفنانه دينا الشربيني ولحبيبتي دينا سيبي كل ده وراك، إنت إنسانة جميلة من جوه وبره، وقلبك طيب ونيتك بيضا، وما يستاهلش تتأذي من كلام جاهل لا يعرف حقيقتك ربنا يكرمك بالخير اللي قلبك يستحقه، ولكل من خاض في عرضها.. اتقوا الله، الكلمة أمانة وظلم الناس مش لعب وكل واحد هيتحاسب أمام رب العالمين على اللي قاله واللي نشره واللي شارك في إيذاء إنسانة بريئة، وقد قال رسول الله ﷺ: من تتبع عورة أخيه تتبع الله عورته، ومن تتبع الله عورته فضحه ولو في جوف بيته»، وقال : «لا يدخل الجنة نمام».