من موقع الكارثة.. ريهام سعيد تكشف أسباب حادث ملوي المميت: عربيتين يخبطوا وش ووش ازاي؟

عقبت الإعلامية ريهام سعيد على حادث التصادم الذي وقع على طريق الصحراوي الشرقي بمركز ملوي في محافظة المنيا، وأسفر عن وفاة 4 أشخاص وإصابة عدد من بينهم الفنان الشعبي إسماعيل الليثي، عن ملابسات الحادث من خلال تفحصها لمسار الطريق.

خلال برنامجها "صبايا الخير" على قناة "النهار"، قالت سعيد: "الطريق عادي.. لو أنا ماشي في حارتي واللي جاي ماشي في حارته.. لكن بشاعة الحادث تقول إن دي سرعة رهيبة".

وأكدت سعيد أن التحقيقات ستحسم الأمر، مشيرة إلى: "وطبعًا التحقيقات هتقول كلمتها.. وهل السائق اللي كان سايق ومتعاطي للمخدرات؟ هنعرف".

وتابعت محاولة فهم كيفية التصادم العنيف الذي وصفته بأنه "غير منطقي"، موضحة: "عربيتين يخبطوا وش ووش ازاي؟.. عربية رايحة وعربية جايه.. ازاي؟".

وأشارت الإعلامية إلى السبب الرئيسي المحتمل للحادث: "يا إما واحد نام، أو مش واخد باله، أو تعاطي مخدرات، أو طلع من حارته ومشي عكس ولقى عربيه في وشه.. ما مالهاش أي حاجة تانية.. وده تصرف مش مقبول".

وحذرت ريهام سعيد من عواقب السلوك الخاطئ على الطرق، مؤكدة: "احنا اللي عندنا سلوك غلط وبندفع ثمنه غالي جدًا.. في عيلة ماتت، عيلة كاملة فقدت عوائلها".