نفسي ارجع اشوف تاني .. بورسعيدي يكشف تفاصيل الاعتداء عليه من آخر بسبب تطبيق التيك توك|خاص

نفسي ارجع اشوف ولو بعين واحدة بهذه الكلمات التي يتخللها الالم تحدث كريم م.ف بعد تعدي م.م.ح علية بسلاح خرطوش واحداث إصابات خطيرة بكامل الوجه وأكثر من 120 ظرف خرطوش في منطقة المناصرة بغرب بورسعيد.

يروي كريم تفاصيل الواقعه ل “بصراحة الاخباري”قائلا :

أنا كنت ماشي في الشارع مروح البيت وفجأة لاقيت المتهم ومعاه اتنين كمان بيتهموني اني عامل صفحة علي التيك توك محتواها وحش ومسئ لاهل المنطقة السكنية اللي أنا فيها حلفت لهم أن الصفحة دي مش بتاعتي واني مش هعمل كدا صمموا علي اني اجي معاهم رفضت وقلتلهم هنروح سايبر عشان تتاكدوا أنها مش صفحتي وفعلا دخلوا الجيميل وعرفوا أن اكونت التيك توك دة مش  بتاعي وبتاع واحد اسمة محسن ومشينا روحت البيت  .

وأكمل قائلا : تاني يوم نزلت شغلي الصبح الساعه ٧ لاقيتهم واقفين لي قدام العمارة كانوا ٣ منهم المتهم كتفوني وكانوا اخدني ف مكان بعيد الناس شافوهم سابوني وقاموا مطلعين الخرطوش وفرغوا فيا كل الطلقات اللي فيه .

بعدها الناس اخدتني علي المستشفي في تاكسي ولما وصلت كانت عيني الشمال اتصفت وخلاص مكنتش شايف حد بيها و التانيه كنت بشوف بيها بسيط دلوقتي خلاص ومعدش فيه امل اني اشوف تاني .

وأكمل قائلا أنا بشكر قسم الزهور أنهم وقفوا جمبي وقبضوا علي المتهم أنا مش عايز اكتر من حقي لاني مأذتش حد ومعملتش حاجة وفي حالي .

واكملت والدتة باكية :ابني خلاص اتعمي واللي عمل كدا لازم يدوق كل لحظة الم ابني عاشها