“استفت قلبك وأنت قدام الصندوق”.. نصيحة من عمرو أديب قبل انتخابات النواب

علق الإعلامي عمرو أديب، على انطلاق انتخابات مجلس النواب 2025، داعيا المواطنين إلى انتخاب الأفضل.

وشدد أديب في تعليق خلال برنامجه «الحكاية» على قناة «MBC مصر»، مساء الجمعة، على الناخبين بعدم اختيار أي نائب فاسد أو غير كفء، مبينًا: «أنا مش قصدي فاسد بمعنى حرامي أو نصّاب، لكن ماينفعش نختار حد مش كفاءة أو نختار لمجرد الصور اللي في الشارع».

وتابع: «ما تختارش الفاسد اللي مينفعش ومش كفاءة، اختار اللي انت عايزه، واختيارك عليه حساب... ربنا هيحاسبك على اختيارك»، لافتًا إلى أن كل مواطن يعرف جيدًا من هو المرشح الجيد ومن هو غير ذلك.

وأوضح أديب أن المرحلة الحالية تتطلب نوابًا يمتلكون الكفاءة والخبرة والقدرة على خدمة المواطنين، وليسوا مجرد وجوه دعائية أو شعارات انتخابية.

وأكمل: «استفت قلبك وأنت أمام الصندوق، اختار المحترم والكويس، وخلوا اختياركم له معنى، ليه منجبش أحسن العناصر الممكنة! في ناس كتير محترمة تستحق الفرصة»، داعيًا المواطنين إلى تحكيم العقل والضمير عند الإدلاء بأصواتهم.