النيابة العامة تأمر بحبس المتهم لفتاة تتهم جارها بالتعدي عليه لإجبارها على ترك منزلها في الإسماعيلية

أمرت النيابة العامة بحبس متهم أربعة أيام على ذمة التحقيقات لاتهامه؛ بالتعرض فتاه جارها عليها بإلقاء زجاج وسبها وقذفها

تفحص الأجهزة الأمنية، تداول منشور مدعوم بعدة فيديوهات لاستغاثة فتاة من تعدي جارها عليها بإلقاء زجاج وسبها وقذفها، من أجل إجبارها على توقيع إيصالات أمانه وترك منزلها، حسب اتهامها.

وقالت الفتاة خلال منشورها المتداول: بابا متوفي وإحنا صغيرين وعايشه مع أختي المعاقة ذهنيا وماما اللي داخلة على سبعين سنة مقيمين في مدينة المستقبل بمحافظة الإسماعلية.

وأكملت: جارنا اللي تحت واخد شقة ومحولها محلات مخالفة واسمه ن. ا. ع، وبيتنمر علينا وبيحدف علينا زلط وزجاج كل يوم غير الشتايم وبيقول على أختي يا مجنونة، وهي واقفة في البلكونة وبيعملوا حركات -غير أخلاقية- وهي أعصابها تعبت ومش عارفة أعمل إيه ليها، هو وأصحابه وأبوه وأخوه وبيأجر ناس كمان بيمارسوا علينا كل أنواع البلطجة عشان طمعان في الشقتين اللي إحنا نملكهم، وعايز يمضيني على وصل أمانة بالعافية والتهديد، علشان ياخد الشقتين ببلاش.

حق الرد من صاحب محل المستقبل بالإسماعيلية

في إطار مبدأ الحياد  وحرصًا على عرض جميع وجهات النظر، ورد حق الرد من صاحب المحل المتهم في واقعة الاستغاثة السابقة بمدينة المستقبل بمحافظة الإسماعيلية.

صاحب المحل قال في رده:

"إحنا ماعندناش أي مشكلة معاها، دي إنسانة مريضة وربنا يشفيها، لكن الحقيقة إن أختها هي اللي بتستغل حالتها ضدنا، وبتخليها ترمي علينا حاجات ومياه من فوق علشان تطفشنا من المكان."
وأضاف:
"إحنا اللي عندنا محاضر كتير مثبتة بالواقعة، والناس لازم تفهم القصة صح… محدش جه جنبهم ولا اعتدى عليهم، لكنهم دايمًا بيحاولوا يستفزونا."

وارسل مقاطع مصوّرة  – تُظهر السيدة وهي تُلقي المياه والقمامة من أعلى الشقة على المحال السفلية، تجدوها في التعليقات

مؤكدًا أنه يحتفظ بكل ما يثبت صحة موقفه القانوني.

ويؤكد الطرف الآخر أن الخلاف لا يزال مستمرًا، في انتظار كلمة الفصل من الجهات الأمنية والقانونية، للفصل بين الجانبين وتحقيق العدالة.