عمرو محمود ياسين يدافع عن مخرج افتتاح المتحف الكبير: بالراحة .. الراجل تحت ضغط رهيب

دافع المؤلف عمرو محمود ياسين عن مخرج حفل افتتاح المتحف المصري الكبير، بعد موجة الانتقادات الحادة التي طالته على مواقع التواصل الاجتماعي خلال الساعات الأخيرة.

ونشر ياسين عبر حسابه على "فيسبوك" منشورًا عبّر فيه عن استيائه من الهجوم، قائلًا: "يا جماعة خلاص والله عيب.. حتى لو المخرج أخطأ في بعض التفاصيل، هل من الطبيعي إن السوشيال ميديا كلها تقوم عليه؟ اللي بينتقد واللي بيستهزأ واللي بيتنمر، كأن الراجل ده مالوش أهل ولا أولاد ولا أسرة! حد فكر هو هينام إزاي النهارده؟ أو أسرته عاملة إزاي؟".

وأضاف: "في النهاية، الموضوع لا يتجاوز كونه حالة عدم توفيق، وده طبيعي ممكن يحصل لأي حد في أي شغلانة. ليه المشانق اللي بتتعلق على السوشيال ميديا؟ ولما بيحصل لحد ضغط نفسي أو أزمة كلنا بنزعل! الراجل تحت ضغط رهيب ومجهود كبير.. بالراحة شوية".