أيمن أِشرف: شاهدت كوارث إدارية عقب رحيلي عن الأهلي.. وهذه رسالتي لوكلاء اللاعبين وبعض المدربين

تحدث أيمن أشرف لاعب البنك الأهلي، عن بعض التفاصيل التي لاحظها، عقب رحيله عن القلعة الحمراء الموسم الماضي.

تصريحات أيمن أشرف

قال أيمن أشرف: “من بعد ما خرجت من الأهلي، أنا شوفت حاجات في الأندية مكنتش أتمني أشوفها خالص، وأنا مسؤول عن كلامي”.

وتابع عبر بودكاست جول: "بعض المدربين في مصر، وأنا بقول بعض مش كلهم، بياخدوا فلوس من اللاعبين، بس مش بشكل مباشر، لكن بيلفوا لفة كده، وده فساد واضح مثلاً، وكيل يروح للاعب يقوله، هوديك نادي وتاخد 5 مليون، 
اللاعب يفرح، لكن الوكيل يقوله، في 2 مليون زيادة هيتحطوا في العقد، ملكش دعوة بيهم".

وأكمل: “الفلوس دي بتروح للمدربين والوكيل، وبقول للمدربين دول كفاية فساد وراعوا ربنا شوية، لأن كل حاجة لها وقتها وبتبان”.

وأضاف: “اللي بيحصل ده كله بتخطيط من وكلاء اللاعبين والمدربين علشان يطلعوا بأكبر مكاسب، والمدرب في الآخر مش فارق معاه، لأنه عارف إنه هيطير بعد 4 ماتشات”.

وأتم حديثه: “أنا شوفت بعيني القصة بتاعت إن مدربين بتاخد فلوس مقابل تلعب لاعبين، والله العظيم طلبوا مني أدفع فلوس أنا كمان علشان ألعب، وأنا لا يمكن أعمل كدا لو هقعد في البيت، أصل اللي أنا هلعبه مش قد اللي لعبته”.

اقتراب الخطيب من رئاسة الأهلي

وشهدت مرحلة التقدم بأوراق الترشح، عدم وجود أي منافس للكابتن محمود الخطيب على منصب رئيس النادي، وكذلك لرجل الأعمال ياسين منصور، على منصب نائب الرئيس، ونفس الأمر بالنسبة للمهندس خالد مرتجي على منصب أمين الصندوق.

وعليه يقترب كابتن محمود الخطيب من تولي منصب رئيس للنادي الأهلي ف الفترة من 2025-2029، وياسين منصور نائبا، والمهندس خالد مرتجي أمينا للصندوق.

وذلك بالتزكية بعد عدم ترشح أحد للمنافسة على هذه المناصب، خلال الأيام السابقة، قبل غلق باب الترشح للانتخابات.

ومن المتوقع أيضا أن تشهد العملية الانتخابية، نجاح قائمة كابتن محمود الخطيب بالكامل، على الرغم من ترشح بعض الأسماء على منصب عضوية مجلس الإدارة القادم.