منتظر قرار الأهلي.. محمد صبري ينتقد حسين الشحات لاعب الأهلي.. وهذا هو السبب

وجه الإعلامي محمد صبري، نقدًا قويًا إلى لاعب الأهلي حسين الشحات، بعد إشارته الغير لائقة تجاه البرازيلي خوان بيزيرا لاعب الزمالك.

انتقاد حسين الشحات

قال حسين الشحات: “في موضوع مهم جدًا ما ينفعش نعديه، اللي حصل إمبارح ممكن يسبب أزمة كبيرة من غير أي لازمة”.

وتابع عبر برنامج زملكاوي: “الماتش كان مثالي جمهور، تحكيم، أجواء جميلة، وبث مشترك بين قناة الزمالك وقناة الأهلي تحت شعار لا للتعصب، لكن تصرف واحد ممكن يبوظ كل ده”.

وأضاف: “أنا أول إمبارح قلت الزمالك هو القطب الأول في مصر، والأهلي القطب الثاني، أنا ما غلطتش ولا هاجمت الأهلي، أنا زملكاوي طبيعي عايز فريقي يبقى رقم واحد، زي ما الأهلاوي شايف فريقه رقم واحد”.

وزاد: “لكن إمبارح كانت هتحصل أزمة بسبب حسين الشحات، بعد هدف التعادل راح ناحية خوان بيزيرا، عمل إشارة إنه مش شايفه، وبعدها حركة إنه قصير، وده نوع من السخرية والتنمر وده لاعب أجنبي افرض كان اشتبك معاك والدنيا ولعت”.

وأكمل: “هل التصرف ده يليق بلاعب في الأهلي، هل الكابتن الخطيب ومجلس الإدارة راضيين عن اللي حصل”.

وذكر: “التصرف ده كان ممكن يولع أزمة بين اللاعبين أو الجمهورين، بعد ماتش كنا كلنا مبسوطين بيه”.

وأتم حديثه: “إحنا بنقول دايمًا لا للتعصب وعايزين نلعب كورة وبس، فمستني رد فعل من مجلس إدارة الأهلي على اللي عمله حسين الشحات، حفاظًا على الشعار اللي كلنا رفعناه”.

شروط ديكاداها لخوض مباراتي الزمالك في القاهرة

حيث اشترط نادي ديكاداها الصومالي، الحصول على حصة من عوائد التذاكر، الخاصة بالمباراتين ذهابا وإيابا.

إلى جانب والاستفادة من حقوق البث التلفزيوني، وتوفير إقامة فندقية مناسبة للفريق، مع تأمين ملاعب تدريب جيدة خلال فترة التواجد في القاهرة.