محمد منير: وعدت نفسي أكون صوت مصر.. وبحضّر لـ ديو مع ويجز الأيام الجاية

حل الفنان محمد منير ضيفًا على الإعلامية لميس الحديدي وذلك في أول لقاء تليفزيوني له بعد وعكته الصحية الأخيرة، وذلك في برنامج “الصورة” المذاع على شاشة النهار، وخلال وجوده تحدث عن وعكته الصحية، ورأيه في الغناء خلال الفترة الأخيرة وأغاني المهرجانات أيضًا، مؤكدًا أنه يفتح يده للتعاون مع الجيل الجديد جانب كشفه عن الـ ديو الغنائي الذي يجمعه بـ ويجز.

وكشف الفنان الكبير محمد منير عن وعكته الصحية الأخيرة وسفره لـ ألمانيا قائلا: قبل أي سفر للخارج بروح المستشفى علشان أعمل تحاليل كاملة وأطمئن على نفسي ولكن، بعد كده السوشيال ميديا بتاخد الموضع أني تعبان، والعمر كده كده بيعدي.

محمد منير: وعدت نفسي أكون صوت مصر ومقدرش أعيش من غير غناء والوطن والحب

وتابع: مبعرفش أعيش من غير غناء وماليش مطرب مفضل ولكن أنا بحب الغناء لأنها أجمل مهنة في التاريخ ووعدت نفسي أكون صوت مصر والأغاني بتاعتي بتعبر عن الوطن والحب.

ديو مع ويجز 

وأردف منير: بحضّر لـ ديو غنائي مع ويجز وممكن الفترة المقبلة أشتغل مع أمير عيد وفاتح إيدي للجيل الجديد وأعتقد أن الحروب زادت في الفترة الحالية بعد رحيل عظماء صناعة المزيكا زي مايكل جاكسون ومصر برضه فقدت عبد الوهاب والموجي.

وكان تصدر الفنان محمد منير محركات البحث خلال الفترة الماضية، بعد طرحه لـ أغنية بين البينين، تزامنًا مع تعافيه من أزمته الصحية الأخيرة وطرح محمد منير أغنية بين البينين على مختلف مواقع الاستماع منذ ساعات وحققت الأغنية نجاحًا كبير، حيث علق جمهوره على الأغنية قائلًا: لا لا منير السنة دي تحفة.. والأغنية دي فيها كلام كتير، وآخر قال: الأغنية تحفة دايمًا بتقول اللي جوايا يا كينج في الوقت المناسب.

كلمات أغنية بين البينين

وجاءت كلمات الأغنية كالتالي: بين البينين، أنا كده بين البينين، في حاجة كده بين البينين، أنا الاتنين، في الرقص أنا في الرقص أنا، ايدي على الطبلة على الطبلة، وأنا اللي هدور على القبلة، طب مين يقولى أنا ابقى مين، مهو كله زيي متمرجحين، متمشورين بين البينين، بين البينين، أنا كده بين البينين.

ومن جانبه، شارك محمد منير في فيلم ضي سيرة أهل الضي كضيف شرف كما قدم أغنية الفيلم والتي نالت إعجاب جمهوره وحققت نجاحًا ضخم وجاءت كلماتها كالتالي: جوايا اكتشاف لو كله خاف أنا مش هخاف، من بين آلاف كل اللي شاف قال ده اكتشاف، من يومي على لوني، والناس دي صعب يغيروني، عايروني عاندوني، دلوقتي بس يتمنوا يشوفوني، لينا سيرة لينا ضي.