سميح ساويرس: الثروة 60% حظ.. وندمت على 3 حاجات في حياتي

كشف رجل الأعمال المهندس سميح ساويرس تفاصيل اتجاهه للعزف على البيانو، ومشاركته في حفل بمصاحبة الأوركسترا الفيلهارموني المصرية، في دار الأوبرا المصرية، بهدف التبرع بكامل عائدات الحفل لصالح جمعية الهلال الأحمر، تضامناً ودعمًا لأهالي غزة.

وكانت أبرز تصريحاته :

عملت ويتر وغسّال أطباق ومترجم.. واعتبرتها أفضل تجارب حياتي.

الثراء 60% منه حظ.. والذكاء مش محتاج منه غير 7 درجات من 13.

اتعلمت البيانو وأنا عندي 59 سنة.. كان التحدي اللي كسر مللي وفتحلي باب جديد.

فكرت أسافر الفضاء مع الروس.. لكن لقيته وجع دماغ بلا نتيجة فاخترت الموسيقى.

عمري ما سمعت كلمة "برافو" من أبويا.. إلا مرة واحدة بس بعد ما افتتحت فندق العيلة في سويسرا.

قعدت سنة كاملة ألف العالم بمركب.. حلم بدأ من كتاب أنيس منصور وأنا عندي 15 سنة.

خسرت ملايين لأني رفضت بيع جزء من شركتي قبل أزمة 2008.. لكن دي علمتني قيمة القرار في وقته.

الماديات بطلت تفرّحني.. المركب وسيلة للبحر، والعربية مش فارق تكون أحدث موديل.

الثروة الكبيرة مش متعة.. المتعة الحقيقية في التحديات الجديدة اللي بتكسر الروتين.

السينما أصعب من بناء الجونة.. وصناعة فيلم ناجح أكبر تحدي نفسي جايلِي بعد الموسيقى.

النجاح مش معناه إنك أذكى واحد.. النجاح إنك تعرف إمتى تخاطر وإمتى توقف.

أسرتي ما بتقولش مجاملات.. وكلمة "برافو" عندنا نادرة كأنها وسام.

شغلي في غسل الصحون والبار علّمني قيمة القرش.. أكتر من أي استثمار ملياري.

ندمت على 3 حاجات في حياتي.. منهم إني اتأخرت في تعلم الموسيقى اللي بعشقها.

الفلوس بتجي وتروح.. لكن اللي يفضل معاك هو التجارب اللي بتغير شخصيتك.