سيدة ترد على اتهام طرد أولادها: "ما طردتش أولادي.. طردته هو علشان بيشرب وبيعاملني وحش

في أول تعليق لها على الاتهامات المتداولة حول طردها لأطفالها من المنزل، نفت السيدة أ. نادى ما تم تداوله، مؤكدة أن الحقيقة مختلفة تمامًا، وأنها لم تطرد أولادها كما يزعم البعض، بل قامت بطرد زوجها بسبب تعاطيه المخدرات وسوء معاملته لها ولأبنائها.

وقالت السيدة في تصريحاتها:

"أنا ما طردتش أولادي.. أنا طردت جوزي علشان بيشرب كل أنواع المخدرات، وبيعاملني معاملة سيئة جدًا، من ضرب وشتم لحد الإهانة قدام الناس. وصلت لدرجة إنه معدته مش بتتحمل أكل وبيقيء دم."

وأضافت:

"أنا اللي بصرف على البيت، من إيجار وأكل وشرب وكهربا وغاز، وهو بياخد أولادي بالعافية علشان يتسول بيهم. حاولت أرجعهم كذا مرة، بس كان بيرفض ويضربني."

وأكدت أ. نادى أنها حررت محضر رسمي ضده، لكن تم حفظه لعدم قدرتها على توكيل محامٍ بسبب ظروفها المادية، موضحة أنها مستعدة لاستلام أولادها في محضر رسمي، ومصممة على إبعاده عن حياتها وحياة أطفالها.

وفي ردها على الاتهام بأنها تطرده بسبب حصولها على معاش لابنتها، قالت:

"هو كذاب. أنا فعلاً باخد معاش لبنتي من جوازي الأول، لكن هو بيقول إني مجوزاه علشان المعاش، وده مش حقيقي. بنتي عندها 17 سنة، ونفسي أسترها وأجوزها، مش أفضحها."

واختتمت تصريحاتها قائلة:

"رفضت أطلع بوشي في الإعلام علشان أراعي بنتي وسمعتها. أنا مش عايزة غير ولادي يرجعولي، وهو يبعد عني وعنهم. نفسي أعيش في أمان