لايف موقع بصراحة| «خايف أنام والبيت يـقع عليا».. استغاثة أدهم من الشرقية: ماعنديش مكان أروح عليه

في مشهد يعكس معاناة إنسانية صعبة، أطلق شاب يُدعى "أدهم" من محافظة الشرقية نداء استغاثة مؤثر، بعدما أصبح مهددًا بالمبيت في الشارع، نتيجة تدهور حالة العقار الذي يسكن فيه، والذي بات آيلاً للسقوط في أي لحظة.

يعيش أدهم في شقة بالطابق الأخير من مبنى متهالك، سقطت شرفته في الشارع، وبدأ السقف ينهار فوق رأسه، وسط حالة من الخوف والذعر. ومع مغادرة جميع سكان العقار بسبب خطورة الوضع، لم يتبقَ أمامه سوى البقاء في العراء دون مأوى أو بديل آمن.

أدهم:" قاعد في شقة آيلة للسقوط، البلكونة وقعت في الشارع امبارح"

وفي بث مباشر خاص لموقع "بصراحة الإخباري"، قال أدهم: "قاعد في شقة آيلة للسقوط، البلكونة وقعت في الشارع امبارح، والسقف بيقع علينا واحنا جوه، والبيت بيتهز بينا.

وأضاف: “أنا ساكن في الدور الأخير، وخايف البيت ينهار فوق دماغي، البلكونة اللي تحتي وقعت، ومش عارف إيه ممكن يحصل بعد كده”.

وتابع أدهم حديثه قائلًا: “أهلي كلهم متوفين، ومعنديش مكان أروحه، العفش بتاعي دلوقتي في الشارع، ومش عارف أوديه فين، الإيجارات هنا غالية جدًا، أقل شقة بـ7000 جنيه، وأنا مش قادر أستأجر”.

أدهم: “أنا نايم طول الليل في الشارع، خايف البيت يقع عليا فجأة”

وأوضح أيضًا: “أنا نايم طول الليل في الشارع، خايف البيت يقع عليا فجأة، ومش قادر حتى أروح الشغل علشان أشتغل وأصرف على نفسي”.

واختتم أدهم حديثه برسالة بسيطة قائلاً: “أنا مش بطلب كتير، كل اللي محتاجه شقة أعيش فيها بسعر مناسب، علشان أقدر أرجع أعيش زي أي بني آدم، بدل ما أفضل في الشارع بالشكل ده”.